Aw Ka Ɲiningaliw Jaabiliw
◼ Wagati juman lo, a bɛnnen be ka jɛkulu dɔ jusigi kaan wɛrɛ fɔbagaw kama?
Ni kaan wɛrɛ fɔbaga caaman be kafo dɔ ka kiinw kɔnɔ, diinan mɔgɔkɔrɔw ka kan k’u seko kɛ walisa ka waajuli baara labɛn o kaan na (km 7/02 1). N’a sɔrɔ o kaan wɛrɛ fɔbagaw jɛnsɛnnen be sigida la, kafo fila wala kafo caaman ka kiinw kɔnɔ. O la, kafokulu kɔrɔsibaga(w) bena koow kɛcogo yira. U bena o kafow dɛmɛ u ka bɛn sigi waajuli baara kama. Tuma kelen kelen, foroba kalan wala La Tour de Garde kalan be se ka kɛ walisa k’a lɔn mɔgɔ hakɛ min bena na lajɛnw na o kaan wɛrɛ la.
Jɛkulu dɔ juu be se ka sigi kaan wɛrɛ fɔbagaw kama ni koow ninw dafara: (1) Weleweledalaw wala makodon mɔgɔw be yen, minw be kibaro duman faamu cogo fisaman na o kaan wɛrɛ la. (2) Diinan mɔgɔkɔrɔ setigi dɔ, wala kɔrɔsigi ciden setigi dɔ labilanen be, min be se ka koow ɲɛmɔgɔya ta ani ka lajɛn kelen kɔni ɲɛminɛ lɔgɔkun o lɔgɔkun. (3) Diinan mɔgɔkɔrɔw jɛkulu dɔ sɔnna k’o jɛkulu kɔrɔta. O koow mana dafa kafo min kɔnɔ, diinan mɔgɔkɔrɔw ka kan ka Sosiyete lalɔnniya. O la, o jɛkulu ka koow be se ka daga, ani a be se ka kunnafoni wɛrɛw sɔrɔ.
Jɛkulu caaman be daminɛ ni kitabukalan ye lɔgɔkun o lɔgɔkun. O kɔ, diinan mɔgɔkɔrɔw be se ka sɔn ka lajɛn wɛrɛ fara o kan: i n’a fɔ foroba kalan, wala La Tour de Garde kalan. Ala ka Mara cidenyabaara lakɔli la, cii no 2, 3, ani 4nan ka kalanw be se ka kɛ dan na, n’o kaan fɔbaga diinan mɔgɔkɔrɔ wala kɔrɔsigi ciden dɔ be se ka kɛ ladili dibaga ye. Nka, o jɛkulu ka kan ka jɛn ni kafo tɔɔ ye tuma min na lɔnniya kalan, Bibulu yɔrɔ dumanw, ni waajuliko lajɛn be kɛra. Waajulibaara lajɛnw fana ka ɲi ka labɛn o jɛkulu kama.
O jɛkulu kɔnɔ, bɛɛ be kolo ka baara kɛ ni diinan mɔgɔkɔrɔw jɛkulu ye. Diinan mɔgɔkɔrɔw ka kan ka ɲɛmɔgɔya kɛɲɛnen di ani k’u janto sɔbɛ la jɛkulu ka makoyaw la. Kafokulu kɔrɔsibaga tɛmɛtɔ kafo kɔnɔ (kafo min b’o jɛkulu kɔrɔta), a fana bena labɛn kɛ walisa ka waajuli kɛ n’o jɛkuludenw ye janko k’u sabati Alako ta fan fɛ. Jehova ka duga sababu fɛ, o kaan wɛrɛ fɔbagaw jɛkulu bena kɛ kafo ye a wagati la.