Yala waajibi lo i ka waajuli lalɔ wa?

Weleweledala dɔw ka teli ka waajuli baara lalɔ lɛri dɔ la i n’a fɔ midi. Tiɲɛn lo ko dɔw ka koow cogoya b’u waajibiya ka waajuli lalɔ lɛri tigitigi dɔ la. Yala e fana b’i ka waajuli baara lalɔ dɔrɔn sabu jɛnkulu mɔgɔ dɔw y’u ta lalɔ wala aw ka kafomɔgɔw delinanko lo ka waajuli baara lalɔ lɛri tigitigi dɔ la wa? I be wagati min kɛ waajuli la, yala i be se ka miniti damanin fara o kan i kɛtɔ ka seereya kɛ forobayɔrɔw la i n’a fɔ siradaw la wa? I segitɔ soo, yala i tɛ se ka viziti kelen wala fila ɲɔgɔn kɛ wa? Miiri k’a filɛ nafa min bena sɔrɔ i ka baara la n’i ye hali mɔgɔ kelen sɔrɔ tugun min y’a mako don wala n’i ye zurunali fila di tugun tɛmɛbagaw ma! N’an tɛ kɔrɔtɔ ka waajuli lalɔ, nka an be to yen ka miniti damanin kɛ tugun, an bena se ka dɔ fara an ka “tanuli sarakaw” kan cogo nɔgɔman na.—Heb. 13:15.