Baarakɛminanw, walisa ka mɔgɔw kalan, ka dusu ni barika don u la
1 Barika b’u la ka mɔgɔw kalan Bibulu ani Jehova Seerew koo la. U ye dusu don mɔgɔ caaman na ka lɔyɔrɔ lamagabali ta tiɲɛn kama. U ye Ala ka baarakɛla yɛrɛkundiliw ka lanaya n’u ka waleɲumanlɔnniya barikaya. O ye fɛɛn jumanw lo ye? O ye kasɛti videwow ye, minw labɔra Jehova ka ɔriganisasiyɔn fɛ. Yala a’ y’u tan bɛɛ filɛ wa? O filɛli laban kɛra tuma juman? Yala aw be baara kɛ n’u ye aw ka cidenyabaara la wa? Cogo juman na aw be se ka tɔnɔ fisaman sɔrɔ o fɛɛn barikamanw la?
2 Saan 1999, zuwekalo tile 1 ka La Tour de Garde ka barokun “An ka basigi Ala ka Kuma kalan na denbaya kɔnɔ” tun ye ladili nin di ko: “ wagati min labilara kalan kama, [aw be se fana] k’o dɔ ta ka Sosiyete ka kalankɛ kasɛti videwo yɔrɔnin dɔ filɛ . . . ani o kɔ, ka sɔsɔli kɛ o kan.” Ka kɛɲɛ n’o ladili ɲumanba ye an bena to ka sɔsɔli kɛ kasɛti dɔ kan waajulibaara lajɛn dɔ la kalo fila o kalo fila. An be kɔngeregasiyɔn mɔgɔ kelen kelen bɛɛ jija a ka o kasɛti filɛ soo sanni sɔsɔli ka kɛ a kan waajulibaara lajɛn na.
3 Kasɛti videwo fɔlɔ min bɔra, Les Témoins de Jéhovah : un nom, une organisation, an bena a daminɛ n’o lo ye kalo nin na. Aw kɛtɔ k’a filɛ, a’ ye nin ɲiningaliw jaabiliw ɲini:
◼ Jehova Seerew lɔnnen be ka ɲɛ mun lo fɛ?
◼ Fɛɛn o fɛɛn be kɛ Betɛli la, o dulonnen be Bibulusen juman lo la?
◼ A’ ye Bibulu kɔnɔko juman ɲɛyirali kɛtɔ ye, u y’a foto ta k’a ɲɛgɛn walisa k’a bisigi kɛ gafew kɔnɔ?
◼ Mun lo ye aw kabakoya an ka gafew labɛncogo la?
◼ K’a ta 1920 ka taga bila 1990 la, Sosiyete ye sɛbɛ joli lo bɔ?
◼ Ala ka baarakɛlaw cɛ, jɔn yɛrɛ yɛrɛ lo ka kan k’a ka koow dafa Betɛli baara kama?—Ntal. 20:29.
◼ Koo jumanw faan fɛ Betɛli ka denbaya ye ɲɛyirali ɲumanba ye Jehova Seerew bɛɛ fɛ?
◼ Baara min be kɛ Betɛli la walisa kibaro duman ka se ka lase mɔgɔ caamanba ma, mun lo be aw kabakoya o la?
◼ Duniɲa kuru bɛɛ ka baara musakaw be sara cogo di?
◼ An be se ka bolo di ka baara juman lo kɛ ni kisɛya ye, ani miiriya juman ye?—Yuh. 4:35; Kɛw. 1:8.
◼ Jehova Seerew lajɛnnen be ɔriganisasiyɔn min kɔnɔ, aw kɔnɔta ye mun ye o koo la?
◼ Aw be se ka baara kɛ ni nin kasɛti ye cogo di waajulibaara la?
Desanburukalo la an bena kasɛti min lakali, o ye La Bible : un récit historique exact, des prophéties dignes de foi.