A ɲini k’i ka waajuli kɛcogo fisaya: Baara kɛ ni videwow ye ka mɔgɔw kalan

MUN NA A KƆRƆTANIN LO:

Videwow filɛtɔ, mɔgɔw be min ye ani u be min mɛn, o be se k’u dusukun sɔrɔ. O b’a to u b’u ɲɛmalɔ ka mɛnni kɛ ani u tɛ ɲinɛ o kɔ joona. Jehova be tɛmɛ filɛlifɛnw fɛ ka mɔgɔw kalan. A be ɲɛyirali min di an ma o koo la, o ɲɔgɔn tɛ yen.—Kɛw. 10:9-16; Yir. 1:1.

Videwo nunu be taga ɲɔgɔn fɛ ni kitabunin Kibaro diiman ka kalansen 2nan ni 3nan ye: Tɔgɔ be Ala la wa?, Jɔn lo ye Bibulu Tigi ye?, Mun lo b’a yira an na ko Bibulu bɔra Ala yɔrɔ? Videwo nunu be mɔgɔw jija u ka bibulukalan kɛ n’an ye ani u ka na lajɛnw na: Mun na i ka ɲi ka bibulukalan kɛ?, An be bibulukalan kɛ ni mɔgɔw ye cogo di?, ani Mun lo be kɛ an ka Masaya boonw kɔnɔ? An ka videwo dɔw ka jan. An be se ka baara kɛ n’u ye ka mɔgɔw kalan.​—km 5/13 3.

A KƐCOGO:

• I b’a fɛ ka videwo min yira, kɔn k’a telesarse.

• Ɲiningali 1 wala 2 labɛn videwo bena minw jaabi.

• A’ ye videwo filɛ ɲɔgɔn fɛ.

• A’ ye baro kɛ hakilinata jɔnjɔnw kan.

NIN KƐ KA FILƐ:

• Tagamasiɲɛ min be sɛbɛninw kɔɔ kan, o yira a tigi la. N’a y’o skane, a bena se ka videwo nin filɛ jw.org kan: Mun na i ka ɲi ka bibulukalan kɛ?

• Videwo nin yira: Mun lo b’a yira an na ko Bibulu bɔra Ala yɔrɔ? Sɛbɛ nin kalansen 3nan yira a tigi la: Kibaro diiman. O kɔ, sɛbɛ to a tigi ye.