An ka kasɛti videwo La Bible : le livre le plus ancien toujours d’actualité nafa lɔn

I ye koo minw kɔrɔsi kasɛti videwo filɛtɔ, ɲiningali ninw be sinsin o koow kan: (1) Mun lo b’a yira ko Bibulu ɲɔgɔn tɛ yen? (2) A’ ye ɲɛyirali dɔ di min b’a yira ko hali ni Bibulu ka kɔrɔ, a ni bi lɔnni koow be ɲɔgɔn ta. (3) An be se ka la a la cogo di ko bi ka Bibulu ni fɔlɔ taw ye kelen ye? (4) Bibulu kɔrɔ minw sɛbɛra bolo fɛ, a’ ye koba juman ye u la. Ani o be jigidali juman di aw ma? (5) Cogo juman na John Wycliffe, Johannes Gutenberg, William Tyndale, Mary Jones, ani Charles Russell sababu fɛ Ala ka Kuma jɛnsɛnna duniɲa kuru bɛɛ kɔnɔ? (6) Cogo juman na Eglisi juguyara kosɔbɛ Bibulu ma, nka mun lo y’a to a ye sii sɔrɔ fɔɔ bi? (7) Jehova Seerew ye Bibulu bayɛlɛma k’a bɔ kaan wɛrɛw la fɔɔ hakɛ juman na? (8) Cogo juman na Bibulu ka ladili nɔgɔmanw ye mɔgɔw dɛmɛ: Minw jarabira sobon la (1 Tim. 6:9, 10), furuɲɔgɔnma minw farala wala minw tɛ kantigiya kɛ (1 Kɔr. 13:4, 5; Efes. 5:28-33), ani minw ka ɲɛnamaya kuun ye ka nafolo dɔrɔn ɲini (Mat. 16:26)? (9) Dalilu jumanw b’a yira ko Bibulu ka sariya batoli be se ka mɔgɔ dɛmɛ ka see sɔrɔ jamanaw ni siyaw ka ɲɔgɔn kɔniya kan duniɲa kɔnɔ? (10) Cogo juman na Bibulu kalan ye dɔ fara i ka hɛɛrɛ kan? (11) E ka miiri la, nin kasɛti videwo be se ka jɔn nafa, ani i bena a kofɔ u ye cogo di?