La Bible—un livre historique et prophétique

La Bible—un livre historique et prophétique ye DVD ye. Videwo saba b’a kɔnɔ. A fɔlɔ kuun ko Le livre le plus ancien toujours d’actualité. O videwo filɛli kɔ, i ka ɲiningali ninw jaabi:

(1) Faan jumanw fɛ Bibulu ni bi lɔnnikow be ɲɔgɔn ta? (2) An be se ka la a la cogo di ko Bibulu min b’an bolo bi, o ni Bibulu fɔlɔ ye kelen ye? (3) Bibulu kɔrɔ minw sɛbɛra bolo fɛ, a’ ye koba juman ye u la? (4) Cogo juman na John Wycliffe, Johannes Gutenberg, William Tyndale, Jan Hus, Martin Luther, Casiodoro de Reina ani Charles Taze Russell sababu fɛ Ala ka Kuma jɛnsɛnna duniɲa kuru bɛɛ kɔnɔ ani cogo juman na Eglisi juguyara kosɔbɛ Bibulu ma? (5) Cogo juman na Bibulu ka ladili nafamanw ye mɔgɔw dɛmɛ: Kɛnɛyako ta fan fɛ (Zab. 34:9), minw jarabira sobon la (1 Tim. 6:9, 10), furuɲɔgɔnma minw farala wala minw tɛ kantigiya kɛ (1 Kɔr. 13:4, 5; Efes. 5:28-33), ani minw ka ɲɛnamaya kuun ye ka nafolo dɔrɔn ɲini? (Mat. 16:26). (6) Dalilu jumanw b’a yira ko Bibulu ka sariya batoli be se ka mɔgɔ dɛmɛ ka see sɔrɔ jamanaw ni siyaw ka ɲɔgɔn kɔniya koo kan? (Luka 10:27). (7) I kɛtɔ ka Bibulu ka sariyakolow sira tagama, cogo juman na o ye dɔ fara i yɛrɛ ka hɛɛrɛ kan? (8) Cogo juman na i be se ka mɔgɔ wɛrɛw dɛmɛ ni videwo nin ye?—A filɛ An ka Masaya Cidenyabaara kɔnɔ, saan 2006 feburu ta, ɲɛɛ 12.