Kuma yiracogo nɔgɔmanw lo barika ka bon

¹ Waajuli kɛtɔ, mun lo y’a to mɔgɔw be lamɛnni kɛ denmisɛnw fɛ tuma caaman na? Sababu dɔ ye ko u ka kumaw ka nɔgɔ. Weleweledala dɔw b’a miiri ko kuma yiracogoba lo be barika di seereya ma. Nka koow b’a yira ko kuma yiracogo nɔgɔman gwɛnen lo ka fisa n’a bɛɛ ye.

² Yesu ye Ala ka Masaya weleweleda cogo nɔgɔman na. Ani a y’a ka kalandenw dege u k’a kɛ ten fana (Mat. 4:17; 10:5-7; Luka 10:1, 9). A ka baro ladon kumaw tun man gwɛlɛ. A tɛmɛna ɲiningaliw ni ɲɛyiraliw fɛ ka mɔgɔw ɲɛnatigɛ ani k’u dusukun sɔrɔ ( Yuh. 4:7-14). A ka ɲi an ka Yesu sennɔ ta, an kɛtɔ ka kuma cogo nɔgɔman na, min faamuyali ka di.

³ An ka kan ka cira min weleweleda, o ye “masaya kibaru duman” lo ye (Mat. 24:14). N’i be i ka barokun basigi Masayako kan, o bena i dɛmɛ ka kuma yiracogo nɔgɔya. Kuma ka taga i lamɛnbagaw ka haminankow kan. Tuma caaman na, musow be u mako don u ka denbaya koow la ka tɛmɛ politiki koow kan. A ka baarako n’a ka denbaya lafiya lo ye facɛman ka ɲɛnako lo ye. Kamalenw ni sunguruw ka ɲɛnako ye u ka siniɲasigi ye. Mɔgɔ kɔrɔw b’u mako don kɛnɛya fisaman ni lafiya koo la. Tuma caaman na, mɔgɔw b’u mako don kiin kɔnɔ koow la ka tɛmɛ yɔrɔ jan koow kan. I mana baro kɛ hadamadenw ka ɲɛnakow kan, a tigi ɲɛsin dugaw ma, mɔgɔ kanminɛbagaw bena minw sɔrɔ Ala ka Masaya mara wagati la. N’i ye kumaden nɔgɔman ɲuman dɔw ɲɛnatɔmɔ ka fara Bibulusen dɔ kan, o be se ka kɛ cogo fisaman ye k’i lamɛnbaga ɲɛnatigɛ.

⁴ I be se ka baro daminɛ nin cogo la:

◼ “Siga t’a la, i sɔnna ko duniɲa falen be bana juguw la. Nka, yala i y’a lɔn ko Ala ye lahidu ta ka bana sifa bɛɛ ni saya fana bɔ yen wa?” A tigi ka jaabili lamɛn, ani o kɔ, Jirali 21:3, 4 kalan.

⁵ A to i ka kuma yiracogow ka gwɛ ani u ka nɔgɔya. O cogo la, i ka mɔgɔ caaman hakiliw n’u dusukun sɔrɔ kiin na. O cogo la, i k’u dɛmɛ ka lɔnniya sɔrɔ Jehova ni ɲɛnamaya banbali jigiya koo la. —Yuh. 17:3.