Fɔɔ i ka kasɛti videwo nin filɛ: No Blood—Medicine Meets the Challenge

Fɛɛrɛ minw be dɔgɔtɔrɔw bolo ka mɔgɔ fura kɛ n’u ma joli don a tigi la, i be mun lo lɔn o fɛɛrɛw kan? Yala i b’o fɛɛrɛ dɔw faamu, ani yala i b’u baara kɛcogo lɔn wa? Videwo nin filɛ, ani tɛmɛ ɲiningali ninw fɛ k’i ka lɔnniya jate minɛ ka filɛ. (I janto: Videwo nin be operasɔn baara yira tuma kelen kelen. Bangebagaw ka kan k’a latigɛ n’u bena o videwo filɛ n’u denmisɛnw ye.)

(1) Kuun fɔlɔ juman kama Jehova Seerew be ban ka joli don u fari la? Ani, o miiriya be sɔrɔ min Bibulu kɔnɔ? (2) Ka taga fura kɛli fan fɛ, an be mun lo fɛ? (3) Banabagatɔ ka joo jɔnjɔn dɔ ye juman ye? (4) Mun na joo b’an fɛ, ani an ka koo lo, n’an be ban ko joli ka don an na? (5) Mɔgɔ dɔ ka joli mana bɔn caaman, dɔgɔtɔrɔw ka kan k’u janto koo fɔlɔ fila juman na joona joona? (6) Kɛnɛyako ta fan fɛ, farati juman b’a la ka joli don i fari la? (7) Operasɔn kɛtɔ, minan jumanw be dɔgɔtɔrɔw fɛ walisa ka jolibɔn hakɛ dɔgɔya? (8) Fura minw be kɛ joli nɔɔ na, i ka ɲi ka kunnafoni jumanw sɔrɔ o furaw koo la? (9) Yala operasɔnba wala operasɔn gwɛlɛnw be se ka kɛ ni joli ma don banabagatɔ la wa? (10) Dɔgɔtɔrɔ caaman be sɔnna ka mun lo kɛ Jehova Seerew ta fan fɛ? Ani, a laban, fura kɛcogo juman lo bena se ka kɛ banabagatɔw bɛɛ la?

Siga t’a la, nafa b’a la i ka videwo No Blood filɛ ni Bibulu kalandenw ye, ani somɔgɔ minw tɛ Seerew ye, baarakɛɲɔgɔnw, karamɔgɔw ani lakɔli filankuru minw be se ka ɲiningaliw bila an ka lɔyɔrɔ kan joli ta fan fɛ. O kasɛti videwo be fura kɛcogo dɔw yira. Ka kɛɲɛ n’a dusukun ye, bɛɛ lo b’a latigɛ a yɛrɛ ye n’a bena sɔn o fura kɛcogo la.—A filɛ barokun “ Questions des lecteurs ” kɔnɔ: Saan 2000, zuwɛnkalo ani ɔkutɔburukalo tile 15nan ka La Tour de Garde.