An ka nafa sɔrɔ kasɛti videwo nin filɛli la— Pas de sang : la médecine relève le défi

Fɛɛrɛ minw be dɔgɔtɔrɔw bolo ka mɔgɔ fura kɛ n’u ma joli don a tigi la, i be mun lo lɔn o fɛɛrɛw kan? Yala i b’o fɛɛrɛ dɔw faamu, ani yala i b’u baara kɛcogo lɔn wa? Videwo nin filɛ, ani tɛmɛ ɲiningali ninw fɛ k’i ka lɔnniya jate minɛ ka filɛ. I janto: Videwo nin be operasɔn baara yira tuma kelen kelen. Bangebagaw ka kan k’a latigɛ n’u bena o videwo filɛ n’u denmisɛnw ye.

(1) Kuun fɔlɔ juman kama Jehova Seerew be ban ka joli don u fari la? Ani, o miiriya be sɔrɔ min Bibulu kɔnɔ? (2) Ka taga fura kɛli faan fɛ, an be mun lo fɛ? (3) Banabagatɔ ka joo jɔnjɔn dɔ ye juman ye? (4) Mun na joo b’an fɛ, ani an ka koo lo, n’an be ban ko joli ka don an na? (5) Mɔgɔ dɔ ka joli mana bɔn caaman, dɔgɔtɔrɔw ka kan k’u janto koo fila juman lo la fɔlɔ joona joona? (6) Kɛnɛyako ta faan fɛ, farati juman b’a la ka joli don i fari la? (7) Operasɔn kɛtɔ, minan jumanw be dɔgɔtɔrɔw fɛ walisa ka jolibɔn hakɛ dɔgɔya? (8) Fura minw be kɛ joli nɔɔ na, i ka ɲi ka kunnafoni jumanw sɔrɔ o furaw koo la? (9) Yala operasɔnbaw ni operasɔn gwɛlɛnw be se ka kɛ ni joli ma don banabagatɔ la wa? (10) Dɔgɔtɔrɔ caaman be sɔnna ka mun lo kɛ Jehova Seerew ta faan fɛ? Ani, a laban, furakɛcogo juman lo bena se ka kɛ banabagatɔw bɛɛ la?

Videwo nin be furakɛcogo minw yira, bɛɛ kelen kelen lo b’a latigɛ ka kɛɲɛ n’a dusukun ye n’a bena sɔn o furakɛcogo dɔ la.—A filɛ La Tour de Garde ninw kɔnɔ: Saan 2004, zuwɛnkalo tile 15nan ta, a ɲɛɛw 22-4, 29-31nan, ani saan 2000, ɔkutɔburukalo tile 15nan ta, ɲɛɛw 30-1nan na.