An ka kɛ senumanw ye an tagamacogo bɛɛ la

¹ An minw ye Ala senuman, Jehova, ka sagokɛlaw ye, an b’an jija ka kɛ senumanw ye an tagamacogo bɛɛ la (1 Piɛre 1: 15, 16). O kɔrɔ ko an b’an jija ka Jehova ka sariyaw sira tagama an ka ɲɛnamaya faanw bɛɛ la. Ɲinan, tile saba lajɛnba bena sababuba di an ma an ka tagama cogo senuman na.

² An ka jatigiso la: U be min kɛra aw ye, a’ y’a yira k’o ka di aw ye. Ani, a’ ye aw ka waleɲumanlɔn yira aw kɛtɔ ka sɔn jatigiw ka labɛnw na.

³ An ka kɛcogo ɲumanw be se ka kɛ seereya barikaman ye mɔgɔw fɛ. Salon, Seere kamalen dɔ ye sɛbɛrikɛfɛn dɔ deli lotɛli mɔgɔ dɔ fɛ ni bonya ye, ani a y’a fɔ ko a ni ce. O y’o tigi kabakoya, ani a y’a fɔ ko: “Nin kɛcogo ɲuman ye man di tugun denmisɛnw fɛ.” Nka tuma dɔw la, a yera ko denmisɛn dɔw labilara u yɛrɛw ma, ani u kɛcogo man ɲi. Bangebagaw man kan k’u deenw labila u yɛrɛw ma. U ka kan k’u kɔrɔsi ani ka la a la k’u tagamacogo be Jehova tando.—Ntal. 29:15.

⁴ Lajɛnba la: An ka tagamacogo ɲuman ka kan ka ye ka gwɛ lajɛnba kɛyɔrɔ la ka tɛmɛ yɔrɔ bɛɛ kan. I ka sabari ka sɔn mɔgɔ kunbɛnbagaw ka ladiliw la bolifɛnw bilayɔrɔ la ani lajɛnba boon kɔnɔ (Heb. 13:17). Denbaya mɔgɔw ka kan ka sigi ɲɔgɔnw fɛ sanni u k’u denmisɛnw, kamalenw ni sunguruw fana to u be taga sigi n’u filankuru wɛrɛw ye. Kamera wala maɲeto sifa si ka kuranjuru man kan ka don lajɛnba boon ka kuranjuru dɔ la, wala sono ka juru dɔ la. Ani, u man kan ka mɔgɔ wɛrɛw degun. N’i b’a fɛ ka fotow ta, i k’a lɔn ko fototalan yeelen man kan ka bɔ kalan kɛtuma na. Bipɛriw ni telefɔni selilɛriw ka kan ka labɛn walisa u kana mɔgɔw bali u k’u janto kalan na. An ka kan ka kerecɛn tagamacogo yira fana tuma min na gafe kuraw be tilantilanna.

⁵ An ka tagamacogo b’an kɛ dan na ni mɔgɔ wɛrɛw ye, ani a be an ka Ala tando (1 Piɛre 2:12). Tile saba lajɛnba la, bɛɛ ɲɛɛ bena kɛ Jehova Seerew ka kɛwalew la. O kama, an k’an cɛsiri ka kɛ senumanw ye an tagamacogo bɛɛ la.

[Study Questions]

1. Mun na a kɔrɔtalen be an ka kɛ senumanw ye an tagamacogo bɛɛ la?

2. Cogo juman na an be se ka tagamacogo ɲuman yira jatigiso la?

3. Cogo juman na Seere denmisɛnmanw ka tagamacogo be se ka nɔɔ ɲuman to mɔgɔw kan?

4. Lajɛnba yɔrɔ la, tagamacogo ɲuman ɲɛsinna mun lo ma?

5. Lajɛnbaw la, cogo juman na an ka tagamacogo be Ala tando?

[Box on page 5]

I ka tagama cogo senuman na

◼ I jatigiw waleɲumanlɔn

◼ I denmisɛnw kɔrɔsi kosɔbɛ

◼ I janto mɔgɔ wɛrɛw la