An Ka Segi Tile Fila Lajɛnba Kan

Jukɔrɔla ɲiningaliw be kɔn k’a yira kalan minw bena di tile fila lajɛnba nata la. An bena baara kɛ n’u ye walisa ka segi lajɛnba kalan kan. Barokun “Labɛn kura min kɛra walisa ka segi lajɛnbaw ka kalan kan” min be sɔrɔ sɛbɛ nin ɲɛɛ 4nan na, a b’a ɲɛfɔ cogo min na o segikanni bena kɛ. Segikanni kɛtɔ, a’ ye wagati tilantilan walisa ɲiningaliw bɛɛ ka se ka bila. Segikanni kuun fɔlɔ ye ka sinsin a kan k’a yira cogo min na an be se ka lajɛnba ka kalan sira tagama.

LOON FƆLƆ KA SƆGƆMA KALAN

1. Mun lo bena an dɛmɛ an ka Ala ka hakilitigiya sɔrɔ?

2. Kafokulu mɔgɔ dɔw ye jijali jumanw kɛ walisa ka kibaro duman lase mɔgɔ caamanba ma?

LOON FƆLƆ KA WULAFƐ KALAN

3. Mun na a kɔrɔtalen be kerecɛnw saniyalen ka to u dusukunw na? O be kɛ cogo juman na?

4. An ni an balimaw cɛ, cogo juman na an be se k’a yira ko an ye hɛɛrɛkɛlaw ye?

5. Ka koow kɛ k’a dama kɛɲɛ, o ye mun ye, ani cogo juman na an be se k’o yira n’an b’an ka wagati ta ka koow kɛ?

6. Saul ni Nuhun ka ɲɛyiraliw b’an kalan mun lo la? Cogo jumanw na an be se k’a yira ko an “labɛnnen be ka kanminɛli kɛ”? ( Yaku. 3:17, NW )

7. Cogo juman na kerecɛnw be se k’u yɛrɛw tanga filankafoya ma u ka ɲɛnamaya kɔnɔ?

8. Pol ye Ala ka hakilitigiya kofɔ cogo min na, cogo juman na an be se k’a ladegi?

LOON FILANAN KA SƆGƆMA KALAN

9. An b’an sen don koo minw na, mun na a kɔrɔtalen be an k’u ɲɛnatɔmɔ koɲuman? Mun lo bena an dɛmɛ k’o kɛ?

10. Kafokulu ka weleweledala dɔw be jijali jumanw kɛ walisa ka taga lajɛnw na? Ani, u ye nafa juman sɔrɔ o la?

11. Cogo juman na gwatigiw be se k’u ka somɔgɔw sabati?

12. U y’an hakili sama ka taga kafokulu ka makoya jumanw kan?

LOON FILANAN KA WULAFƐ KALAN

13. I ko foroba kalan y’a yira cogo min na, wale tilennen jumanw sɔrɔla sankolola hakilitigiya sababu fɛ?

14. K’an jigi la an yɛrɛ kan wala mɔgɔw kan, Ala ka hakilitigiya tɛ minw fɛ, mun na o ye hakilintanya ye? An ka kan k’an yɛrɛw kɔrɔsi koo jumanw ma?

15. Ala ka hakilitigiya b’an tanga jaan jumanw ma?

16. Ladili minw dira tile fila lajɛnba la, mun na a kɔrɔtalen be kosɔbɛ an k’u sira tagama?