An ka segi Tile kelen lajɛnba kan

Jukɔrɔla ɲiningaliw be kɔn k’a yira kalan minw bena di tile kelen lajɛnba nata la. An bena baara kɛ n’u ye walisa ka segi lajɛnba kalan kan. Barokun “Labɛn kura min kɛra walisa ka segi lajɛnbaw ka kalan kan” min be sɔrɔ sɛbɛ nin ɲɛɛ 4nan na, a b’a ɲɛfɔ cogo min na o segikanni bena kɛ. Segikanni kɛtɔ, a’ ye wagati tilantilan walisa ɲiningaliw bɛɛ ka se ka bila. Segikanni kuun fɔlɔ ye ka sinsin a kan k’a yira cogo min na an be se ka lajɛnba ka kalan sira tagama.

SƆGƆMA KA KALAN

1. Mun na an makoyaba b’a la sisan ka Jehova lamɛn? Ka lamɛnni kɛ, o kɔrɔ ye mun ye? (“Mun na an ka kan ka Jehova kaan mɛn?”)

2. Cogo juman na denbayaw be se ka tɛmɛ labɛnsira ɲuman fɛ ka Alakow kɛ? (“Denbaya minw be Ala ka Kuma lamɛn ni foyi tɛ u hakili ɲagami”)

3. Kafokulu kɔnɔ, cogo juman na dɔw ye sababuw sɔrɔ ka sen fɛ seereya di mɔgɔw ma? (“An ka koow bɛɛ kɛ Ala ka nɔɔrɔ kama”)

4. Ɲɛyirali minw dira Heburu sapitiri 3 ni 4nan na ani u be lasɔminiw di an ma, an be kalan juman sɔrɔ u la? Cogo juman na Jehova be kuma an fɛ bi? (“Ni Ala be kuma ani an b’a lamɛn, o b’an tanga”)

5. Aw ye nafa juman sɔrɔ batɛmu kalan na? (“Yɛrɛkundili ni batɛmu”)

WULAFƐ KALAN

6. Yesu ka denmisɛnya be an kalan mun le la? Ani cogo juman na kafokulu ka denmisɛnw be se k’a ladegi? (“Ka Ala ka Kuma lamɛn ni jantoli ye, o be barika don an ka kamalenw ni sunguruw la cogo min na”)

7. Bangebagaw be se ka tɛmɛ fɛɛrɛ jumanw fɛ k’a daminɛ k’u denɲɛninw n’u denmisɛnw kalan Jehova sira koo la? (“Denmisɛn minw be lamɛnni kɛ Ala fɛ, ani u be kalan a fɛ”)

8. An mako b’a la k’an janto Jehova n’a Dencɛ ni “Jɔnkɛ dannamɔgɔ hakiliman” la koo tigitigi jumanw la? (Mat. 24:45) Mun na a kɔrɔtalen be an k’o kɛ? (“A’ ye aw janto Ala ka kalan na tuma bɛɛ”)