Zurunaliw yiracogo
Réveillez-vous ! 8 Fév.
“An be gwɛlɛyaba minw kunbɛn bi, u dɔ ye duniɲa ka degun ye. Tiɲɛn tɛ? [A ka jaabili lamɛn.] Bibulu tun kɔnna k’o gwɛlɛya kofɔ tigitigi. [2 Timote 3:1 kalan.] Zurunali nin be ladili nafamanw di o koo kan. U be se k’ile n’i denbaya dɛmɛ ka see sɔrɔ degun kan.”
LA TOUR DE GARDE 15 Fév.
“Tuma dɔw la, an b’a mɛn ko kabako dɔ kɛra. [I ka ɲɛyirali dɔ di.] Mɔgɔ dɔw be la o lakalitaw la. Dɔw wɛrɛw be sigasiga u la. Bibulu be kabako minw kofɔ, zurunali nin b’a yira n’u tun kɛra tiɲɛn na, ani n’u ɲɔgɔnna koow be kɛ tugun bi.” An ka Jeremi 32:21 kalan.
Réveillez-vous ! 22 Fév.
“Galen, Ala tun ye cii di denmisɛnw ma u k’u baa n’u faa bonya. [Ekisode 20:12 kalan.] E ka miiri la, yala denmisɛnw b’u baa bonya ka ɲɛ bi tilew la wa? [A ka jaabili lamɛn.] Zurunali nin b’a yira bamusomanw be gwɛlɛya minw kunbɛnna jamana dɔw kɔnɔ, ani cogo min na u b’o gwɛlɛyaw kɛlɛla.”
LA TOUR DE GARDE 1er Mars
“E ka miiri la, ni bɛɛ tun be nin ladili nin sira tagama, yala duniɲa tun bena kɛ yɔrɔ fisaman ye wa? [Romɛkaw 12:17, 18 kalan. Ani, a ka jaabili lamɛn.] A fɔ man di, nka bɛnbaliyaw be kɛ tuma dɔw la. Zurunali nin b’a yira cogo min na Bibulu ka ladili sira tagamani be se k’an dɛmɛ ka bɛnbaliyaw ɲɛnabɔ ani ka na ni hɛɛrɛ ye.”