A’ ye denbaya ka wagati labɛnsira kɛɲɛnen kɛ

¹ Waajuli kɛtɔ kulu kan, Yesu ye ladili nin di a lamɛnbagaw ma ko: ‘A’ ye Ala ka masaya ni a ka tilennenya ɲini fɔlɔ.’ (Mat. 6:33). Denbaya be se k’a ka baaraw labɛn cogo nafaman dɔ la walisa ka Alakow bila yɔrɔ fɔlɔ la: o ye ka wagati labɛnsira kɛ ani k’a sɛbɛ ka bila. A’ ye wagati dɔ ta ka tɛmɛ sɛbɛ nin ɲɛɛ 6nan ka labɛnsira mɔdɛli fɛ ka aw denbaya ka wagati labɛnsira kɛ. N’a sɔrɔ denbaya dɔw bena o mɔdɛli kɔnɔnafɛnw tigɛtigɛ ka nɔɔrɔ u ka wagati labɛnsira kɔnɔ. Dɔ wɛrɛw bena a ɲini k’u ka labɛnsira sɛbɛ u bolo fɛ.

² Labɛnsira min yirala jukɔrɔla la, a be se ka aw dɛmɛ ka aw ta kɛ. A’ y’a kɔrɔsi ko baara jɔnjɔn naani dɔrɔn lo sɛbɛra a kɔnɔ: (1) Ka taga kafo ka lajɛnw na, (2) denbaya ka waajuli baara, (3) gwakalan, ani (4) tilera kalan lajɛli. N’o koo naani be sɔrɔ aw ka labɛnsira kɔnɔ, o bena aw dɛmɛ ka “ko ɲumanw faranfasi” (Filip. 1:10). Ladili wɛrɛw dira o koo naani kan sɛbɛ nin ɲɛɛ 4-5nan na.

³ Waajibi tɛ aw denbaya ka labɛnsira ka daan o koo naani dɔrɔn ma. Ni aw be lajɛn dɔw labɛn ɲɔgɔnw fɛ, a’ y’olu fana sɛbɛ aw ka labɛnsira kɔnɔ. Ni aw be Bibulu yɔrɔ dɔw kalan ɲɔgɔn fɛ tilera kalan banni kɔ, wala wagati wɛrɛ la, a’ y’o fana sɛbɛ. Ni aw delila ka ɲɛnagwɛ koo dɔ kɛ ɲɔgɔn fɛ, aw be se k’o fana sɛbɛ aw ka labɛnsira kɔnɔ.

⁴ A’ y’o wagati labɛnsira makɛɲɛ ka bɛn ni denbaya mɔgɔw bɛɛ ka makoyaw n’u ka koow cogoya ye. Tuma o tuma, a’ y’a sɛgɛsɛgɛ k’a filɛ n’o labɛnsira be tagama ka ɲɛ, ani a’ y’a makɛɲɛ ka bɛn ni aw ka makoyakow ye.

[Chart on page 3]

Denbaya ka wagati labɛnsira mɔdɛli

Sɔgɔma Wula fɛ Suu fɛ

Dim Tilera kalan

Foroba kalan

ani La Tour

de Garde kalan

Ntɛnɛ Tilera kalan Gwakalan

Talat Tilera kalan Kafo ka

kitabukalan

Ara Tilera kalan

Lamu Tilera kalan cidenyabaara lakɔl

ani waajuliko lajɛn

Jum Tilera kalan

Sam Tilera kalan

Denbaya ka

waajuli baara

(Zurunaliw jɛnsɛn loon)