An ka tɛmɛ yelifɛnw fɛ ka mɔgɔw kalan
1 Galen, Jehova tɛmɛna yeliw ni sikow fɛ walisa ka kunnafoni nafamanba dɔw lase a sagokɛlaw ma. An ka miiri Ezekiɛl ka yeli koo la: a ye Jehova ka sankolola wotoro ye (Ezek. 1:1-28). Daniɛl ye siko dɔ kɛ ka duniɲa ka masaya fangamanw ye u be ɲɔgɔnw laben ka masaya ta. An ka miiri k’a filɛ o yeli ye min kɛ Daniɛl la (Dan. 7:1-15, 28). An bena mun fɔ Yuhana koo la do? Ale ye yirali kabakoman dɔ sɔrɔ, min be tagamasiɲɛ dɔw yira ka ɲɛsin “Matigi ka don” nata ma (Jirali 1:1, 10). Jehova tɛmɛna jaa barikamanw ɲɛnamaw fɛ k’o mɔgɔ saba kalan. U hakili tora o yelifɛnw na fɔɔ wagati jan.
2 Bi, n’an b’a fɛ ka Bibulu kalan don mɔgɔw dusukun na, ani n’an t’a fɛ u ka ɲinɛ a kɔ joona, an be se ka tɛmɛ videwow fɛ k’u kalan. O videwow be kuma koo caaman kan, ani u be mɔgɔw dɛmɛ u k’u jigi la Bibulu kan, Jehova ka jɛnkulu kan, ani kerecɛnya ka sariyakolow kan. An k’a filɛ cogo min na an be se ka tɛmɛ u fɛ ka mɔgɔw kalan. An bena ɲɛyirali ta videwo dɔw kan.
3 Waajuli la: Yala aw delila k’a fɔ Bibulu kalanden dɔ ye ko balimaya jɛnkulu dɔ b’an fɛ duniɲa kuru bɛɛ kɔnɔ wa? A’ ye tɛmɛ videwo nin fɛ k’o yira a la: “Toute la communauté des frères.” An k’a di a ma a k’a filɛ sanni an ka segi ka na kalan nata kɛ, wala an k’a filɛ ɲɔgɔn fɛ n’a ye kalan wagati la. O kɔ, an ka baro kɛ a kan. O baro ɲiningaliw be sɔrɔ saan 2002, zuwɛnkalo ka An ka Masaya Cidenyabaara kɔnɔ.
4 Denmisɛnw: Aw be se k’a ɲini aw ka karamɔgɔ fɛ a ka videwo ninw yira kalanso kɔnɔ: “La fermeté des Témoins de Jéhovah face à la persécution nazie walima Fidèles dans les épreuves — Les Témoins de Jéhovah en Union soviétique.” Aw be se k’a filɛ An ka Masaya Cidenyabaara ninw kɔnɔ ka ɲiningali dɔw labɛn o baro kama (saan 2001, zuwɛnkalo ta, ani saan 2003, feburukalo ta).
5 A’ y’u filɛ denbaya kɔnɔ, ani a teriw ye: Bangebagaw, n’a sɔrɔ aw deenw kɔrɔbayara kabini videwo nin bɔra: “Les jeunes s’interrogent... Comment se faire de vrais amis ?” Mun na aw tɛ segi k’a filɛ ɲɔgɔn fɛ gwakalan nata la, ani ka baro kɛ a kan?
6 Yala aw b’a fɛ ka balima dɔw weele ka wagati dɔ kɛ n’u ye aw ka soo wa? O la, aw be se ka videwo nin filɛ ɲɔgɔn fɛ: “Respectons l’autorité de Jéhovah.” A bena kɛ wagati duman ye aw fɛ sanko n’aw ye baro kɛ o videwo ka ladili dɔw kan. Ɲiningaliw be sɔrɔ An ka Masaya Cidenyabaara kɔnɔ (saan 2004, sɛtanburukalo ta).
7 Sababu wɛrɛw: Cogoya wɛrɛ jumanw na aw be se ka baara kɛ n’an ka videwo 15 ye? An be to ka taga bɔ mɔgɔ minw fɛ, n’an ye kelen wala fila yira u la, yala o tɛna u dɛmɛ ka ɲɛtaga sɔrɔ Alako ta fan fɛ wa? Yala u kɔnɔnakow tɛna an somɔgɔw, an sigiɲɔgɔnw ani baarakɛɲɔgɔnw dɛmɛ ka Jehova Seerew filɛ ni ɲɛɛ ɲuman ye wa? O kasɛti videwow ye yelifɛn barikamanw ye. U be mɔgɔw kabakoya ani u b’u kalan. An ka baara kɛ n’u ye ka mɔgɔw kalan.
[Study Questions]
1. Galen, cogo juman na Jehova tɛmɛna yelifɛnw fɛ k’a sagokɛlaw kalan? Ani, o ye nɔɔ juman to u kan?
2. An be se ka tɛmɛ yelifɛn jumanw fɛ ka mɔgɔw kalan?
3. An be se ka tɛmɛ mun lo fɛ ka kalanden dɔ ɲɛsin Jehova ka jɛnkulu ma?
4. Denmisɛnw be se ka tɛmɛ fɛɛrɛ jumanw fɛ ka seereya kɛ lakɔliso la?
5. Bangebagaw be se ka tɛmɛ fɛɛrɛ juman fɛ ka gwakalan kɛ?
6. Aw be se ka tɛmɛ labɛn juman fɛ ka wagati duman kɛ n’a teriw ye?
7. Sababu jumanw b’an fɛ ka baara kɛ ni videwow ye?