Aw Ka ƝIningaliw Jaabiliw

◼ An be gafe minw di mɔgɔw ma, yala a dagalen lo an k’an tɔgɔla e-mail ladɛrɛsi bila u kan wa?

Weleweledala dɔw be tɛmɛ tanpɔn wala sɛbɛ fitinin dɔw fɛ k’u ka e-mail ladɛrɛsi bila zurunaliw wala sɛbɛninw kan, u be minw di mɔgɔw ma. O seen fɛ mɔgɔ minw sɔnna gafew la, u be se ka weleweledala sɛgɛrɛ, walisa k’a ɲininga kunnafoni wɛrɛw la. Ŋaniya ɲuman lo k’o jijaliw kɛ ka makodon mɔgɔw dɛmɛ. Nka, ɔriganisasiyɔn ka Site web dagalen be sɔrɔ an ka zurunaliw n’an ka sɛbɛninw kɔɔ kan ka ban. O kama, a ka fisa an kana an tɔgɔla e-mail ladɛrɛsi bila gafew kan.

Weleweledala dɔ mana segi ka taga bɔ mɔgɔ dɔ ye, n’a y’a tɔgɔla ladɛrɛsi di o tigi ma sɛbɛ dɔ kan daan na, o y’a yɛrɛ ka latigɛ ye. An ka kan k’a bɔ an yɛrɛ la ka segi ka taga bɔ makodon mɔgɔw ye, sanni an k’a to olu yɛrɛ ka wuli k’an sɛgɛrɛ walisa ka kunnafoni wɛrɛw sɔrɔ. An be se k’an mako don sɔbɛ la mɔgɔ la, n’an be kuma n’a tigi ye ɲɛda ni ɲɛda.