Baara kɛcogo dɔ ni kitabunin Message de la Bible ye

An ka kiinw kɔnɔ, mɔgɔ caaman tɛ Bibulu lɔn ka ɲɛ, sanko minw tɛ kerecɛn diinanw na. Kalan kɛtɔ n’o mɔgɔ sifaw ye gafe Bibulu ka kalan kɔnɔ, weleweledala dɔw be baara kɛ ni kitabunin Message de la Bible ye walisa ka kalanden dɛmɛ a ka Bibulu kɔnɔko kunbabaw lɔn. Ɲɛyirali fɛ, balimacɛ dɔ mana se gafe Bibulu ka kalan sapitiri 3nan ma, a b’a daminɛ ka kitabunin Message de la Bible tilanyɔrɔ fɔlɔ lajɛ ni kalanden ye. O kɔ, kalan kelen kelen banni kɔ, u be tilanyɔrɔ wɛrɛ lajɛ. Yala i be kalan kɛra ni mɔgɔ dɔ ye min tɛ bɛrɛ lɔn wala a yɛrɛ tɛ foyi lɔn Bibulu koo la wa? Walisa k’o tigi dɛmɛ a ka ‘Kitabu senumanw lɔn minw be se ka hakilitigiya di a ma walisa a ka kisi,’ i ka kitabunin Message de la Bible lajɛ n’a ye ka fara gafe Bibulu ka kalan kan.—2 Tim. 3:15.