Aw Ka Ɲiningaliw Jaabiliw

◼ An b’an basigi mun lo kan ka gafew to mɔgɔw ye?

Koo fɔlɔ min kɔrɔtanin lo, o ye a tigi ka makodon lo ye. An ka ɲi k’an janto o lo la fɔlɔ. N’a tigi y’a mako don sɔbɛ la, an be sɛbɛ minw yirala a tigi la, an be se k’u dɔ to a ye hali n’an y’a kɔrɔsi ko a ka bolomafara man ca wala wari foyi t’a bolo k’a di waajuli baara kama duniɲa kuru bɛɛ kɔnɔ. O be se ka kɛ zurunali fila, kitabunin, gafe wala sɛbɛ wɛrɛ ye (Job 34:19; Jir. 22:17). Faan wɛrɛ fɛ, an man kan k’an ka gafe nafamanbaw di mɔgɔw ma minw t’u nafa lɔn.—Mat. 7:6.

Mun lo be se k’a yira ko an labɛnbaga b’a mako don? N’a sɔnna ka baro kɛ n’an ye, o b’a yira ka gwɛ ko a b’a mako don. N’a b’a tulo malɔ ka lamɛnni kɛ an fɛ, n’a be an ka ɲiningaliw jaabi ani n’a b’a ka miiriya fɔ an ye, o b’a yira ko a b’a mako don baro la. N’an be Bibulusen dɔ kalanna ani a tigi fana b’a kalan ka tugu an kɔ, o b’a yira ko a be bonya la Ala ka Kuma kan. Tuma caaman na, a ka ɲi an k’a tigi ɲininga ko an be sɛbɛ min dira a ma, yala a bena a kalan wa? Weleweledalaw ka kan ka jatiminɛ kɛ ka ɲɛ walisa k’a lɔn n’a tigi b’a mako don. Ɲɛyirali fɛ, waajuli kɛtɔ siradaw la, a bɛnnin tɛ an ka zurunaliw, kitabuninw wala gafew di tɛmɛbaga kelen kelen bɛɛ ma n’an t’a ɲini k’a lɔn n’u b’u mako don. N’a gwɛnin tɛ an ɲɛɛ na ko mɔgɔ dɔ b’a mako don, a ka fisa an ka sɛbɛnin dɔ wala welelisɛbɛ dɔ di a tigi ma.

O cogo kelen na, weleweledalaw be gafew hakɛ min ta kafo kɔnɔ, u ka kan k’o ta ka kɛɲɛ n’u makoya ye waajuli baara kama. U man kan ka gafew ta ka kɛɲɛ n’u ka bolomafara hakɛ ye. An be bolomafara minw di, u tɛ an ka gafew sɔngɔ ye, nka dɛmɛ lo ka ɲɛsin waajuli baara faanw bɛɛ ma, an b’o min kɛra duniɲa kuru bɛɛ kɔnɔ. An seko mana kɛ min o min ye, waleɲumanlɔn lo bena an lasun an k’an tɛgɛ labila ka nili kɛ ni diyanye ye an ka fantanya bɛɛ n’a ta, an tɛ nili kɛ an ka waritigiya kosɔn (Marka 12:41-44; 2 Kɔr. 9:7). An mako be gafe hakɛ min na, waleɲumanlɔn lo bena an lasun an k’o dɔrɔn ta. O la, mɔgɔw be wari min di Masayakow kama, an tɛna o tiɲɛ.

[Koorilen ɲɛɛ 2 kan]

Weleweledalaw ka kan ka jatiminɛ kɛ ka ɲɛ walisa k’a lɔn n’a tigi b’a mako don