Yala i ka gafew cogoya ka ɲi wa?

Nin ye ɲiningali ɲuman ye an ka ɲi ka min kɛ an yɛrɛ ye n’an b’a fɛ k’an ka gafe dɔ yira mɔgɔw la. Kibaro ɲuman b’an ka gafew kɔnɔ ani a be se ka mɔgɔw niin kisi. Nka, n’an ka gafe dɔ kurukurunin lo, n’a kulɛri tiɲɛna, n’a nɔgɔnin lo wala n’a farannin lo, a bena an ka ɔriganisasiyɔn tɔgɔ tiɲɛ ani k’an lamɛnbaga bali a ka nafa sɔrɔ o kibaro la.

An be se k’an ka gafew mara ka ɲɛ cogo di? Balima caaman b’u ka waajuli sakɔsi labɛn cogo dɔ la: fɛɛn minw be cogo kelen na, u b’olu mara ɲɔgɔn fɛ yɔrɔ kelen na. Ɲɛyirali fɛ, gafew bilayɔrɔ be dan na, zurunaliw ni kitabuninw bilayɔrɔ fana be dan na, sɛbɛninw be bila dan na, ani a ɲɔgɔnnaw. Baara kɛnin kɔ n’u ka Bibulu wala u ka gafe dɔ ye, n’u b’a kɔsegi u ka sakɔsi kɔnɔ, u b’a don nɛmɛnɛmɛ walisa a kana tiɲɛ. Dɔw b’u ka gafew mara foroko dɔw kɔnɔ wala posɛti manalamanw kɔnɔ. An ka gafew maracogo mana kɛ min o min ye, an kɔni t’a fɛ ka gafe tiɲɛninw di mɔgɔw ma o min bena joo di u ma u ka fiɲɛ sɔrɔ an ka waajuli baara la.—2 Kɔr. 6:3.