Koo tan ni fila minw kama an be waajuli kɛ

Mun na an be waajuli kɛ kibaro diiman koo la ani an be mɔgɔw kalan? Yala a kuun fɔlɔ ye ka mɔgɔ kɔnɔgwɛw dɛmɛ u ka ɲɛnamaya sira ta wa? (Mat. 7:14). O lo kofɔra fɔlɔ jukɔrɔla la, nka o tɛ an ka waajuli kuun fɔlɔ ye. Koo 12 minw kofɔra, u la juman lo kɔrɔtanin lo ka tɛmɛ tɔɔw kan i ka miiriya la?

1. Waajuli baara be mɔgɔ niin kisi.—Yuh. 17:3.

2. A kuun ye ka mɔgɔ juguw lasɔmi.—Ezek. 3:18, 19.

3. A be Bibulu ka kiraya kuma dafa.—Mat. 24:14.

4. A be Ala ka tilenninya yira. O la, mɔgɔ si tɛ se ka Jehova jalaki ko a ye mɔgɔ juguw halaki k’a sɔrɔ a ma sababu di u ma u ka nimisa.—Kɛw. 17:30, 31; 1 Tim. 2:3, 4.

5. An kunmabɔra Yesu ka joli sababu la. Waajuli baara sen fɛ, an b’an ka juru sara n’an be mɔgɔw dɛmɛ Alako ta fan fɛ.—Rom. 1:14, 15.

6. A b’a to mɔgɔ si joli hakɛ tɛ ben an kan.—Kɛw. 20:26, 27.

7. An be waajuli kɛ an yɛrɛ kisili kosɔn.—Ezek. 3:19; Rom. 10:9, 10.

8. A b’a yira ko an b’an mɔgɔɲɔgɔn kanu.—Mat. 22:39.

9. A b’a yira fana ko an be mɛnni kɛ Jehova n’a Dencɛ fɛ.—Mat. 28:19, 20.

10. O ye an ka batoli faan dɔ ye.—Heb. 13:15.

11. A b’a yira ko an be Ala kanu.—1 Yuh. 5:3.

12. A fana be kɛ sababu ye Jehova tɔgɔ ka saniya.—Es. 43:10-12; Mat. 6:9.

Tiɲɛn lo ko an tɛ waajuli kɛ o koo tan ni fila dɔrɔn kama. Ɲɛyirali fɛ, waajuli baara be an ka limaniya barika bonya ani a be nɛɛma di an ma an ka kɛ Ala baarakɛɲɔgɔnw ye (1 Kɔr. 3:9). Nka, koo kɔrɔtaninba min kama an be waajuli kɛ, o ye 12nan lo ye. Mɔgɔw b’an lamɛn wo, u tɛ an lamɛn wo, waajuli baara be kɛ sababu ye Ala tɔgɔ ka saniya ani a be sababu di Jehova ma a k’a darabɔbaga jaabi (Ntal. 27:11). Tiɲɛn na, kuun bɛrɛbɛrɛ b’a la an kana ‘mɔgɔw kalanni ni Kibaru Duman fɔli dabila.’—Kɛw. 5:42.