“N’i sɔnna ne ka sɛbɛ la, ne bena i ta minɛ fana”

Mɔgɔ dɔw b’o lo fɔ an ye waajuli la. U ka diinan gafew be ngalon kalan lo jɛnsɛn. Komi an tɛ an ka gafew falen n’u taw ye, an be se k’u jaabi nɛmɛnɛmɛ cogo di? (Ɔrɔm. 1:25). An be se k’a fɔ ko: “I ni ce. Fɛɛrɛ min bena kɛ sababu ye ka duniɲa ka kunkow ɲɛnabɔ, i ka gafe be mun fɔ o koo la? [Mɛnni kɛ a tigi fɛ. N’a ko i k’ale ka gafe kalan walisa k’i ka ɲiningali jaabili sɔrɔ, i k’a fɔ a ye ko i ye gafe min yira a la, i kɔnna k’a kɔnɔkow ɲɛfɔ a ye fɔlɔ. O kɔ, i ka Matiyo 6:9, 10 kalan, wala i k’u kɔnɔ kumaw fɔ.] Yezu y’a yira ko Ala ka Masaya lo bena kɛ sababu ye Ala sago be kɛ dugukolo kan. O kama, diinan gafe minw be Ala ka Masaya koo yira ka gwɛ, ne be olu dɔrɔn lo kalan. Ala ka Masaya bena koo tigitigi minw kɛ, yala ne be se k’u dɔw yira i la Bibulu kɔnɔ wa?”