A ɲini u fɛ u ka i bila sira

Kafo caaman kɔnɔ, kɛnɛyakow wala kɔrɔya kosɔn, weleweledala dɔw tɛ se ka bɛrɛ kɛ waajuli la (2 Kor. 4:16). Yala i be se k’a ɲini u la mɔgɔ kelen fɛ a k’i bila sira bibulukalan na wa? N’a tigi tɛ se ka bɔ kɛnɛma fewu, n’a sɔrɔ i be se k’o bibulukalan kɛ a ka soo. Ni weleweledala dɔ ka kɛnɛyako man fisa, i ka labɛn kɛ tuma dɔw la ka taga a ta. I ka waajuli kɛ n’a ye dɔɔni soo ni soo wala i ka viziti kura kelen wala fila kɛ n’a ye. Weleweledala minw ye mɔgɔkɔrɔbaw ye, u caaman be koo caaman lɔn waajuli la. O kama, i be min kɛ k’u dɛmɛ, o tɛna olu dɔrɔn jija. A bena kɛ jijali sababu ye e fana fɛ (Ɔrɔm. 1:12). Ka fara o kan, i b’i seko min kɛ k’i ka kanuya yira o cogo la, Jehova bena i sara o kosɔn.—Talenw 19:17; 1 Zan 3:17, 18.