Hakilijigi lajɛn kanpaɲi bena daminɛ marisi tile 22nan na

Ɲinan, Hakilijigi lajɛn kanpaɲi bena daminɛ samedilon, marisi tile 22nan na. An be bɛɛ jija u k’u seen don o baara la bɛrɛbɛrɛ. Wikɛniw na, n’a bɛnnin lo, an bena zurunali kuraw yira mɔgɔw la fana. Awirili ka samedi fɔlɔ la, sanni an k’a ɲini ka bibulukalanw daminɛ ni mɔgɔw ye, welelisɛbɛw jɛnsɛnnin lo bena kɛ an ɲɛnako fɔlɔ ye. Nka, n’an ye mɔgɔ dɔ sɔrɔ min y’a mako don sɔbɛ la, an be se k’a ɲini ka bibulukalan daminɛ n’a tigi ye. Walisa ka se ka kiinmɔgɔ caaman sɔrɔ, waajulibaara kɔrɔsibaga be se k’a latigɛ ni kafo ka ɲi ka welelisɛbɛw jɛnsɛn forobayɔrɔw la. I b’a fɛ k’i somɔgɔw, baarakɛɲɔgɔnw, lakɔli filankuruw, viziti kuraw ani i lɔnbaga wɛrɛ minw weele ka na, i k’u tɔgɔw sɛbɛ sisan. Kanpaɲi mana daminɛ, i ka welelisɛbɛ di u ma. An jigi b’a la ko mɔgɔ caaman bena fara an kan walisa an k’an hakili jigi kanuya waleba fila la minw ɲɔgɔn tɛ yen.—Zan 3:16; 15:13.