“Ne t’a sɔrɔla soo tugun!”

I ma deli k’o fɔ mɔgɔ dɔ koo la min tun y’a mako don wa? I segira ka taga a ka soo siɲɛ caaman na, nka i ma se k’a sɔrɔ tugun walisa k’a dɛmɛ Alako ta fan fɛ (1 Kor. 3:6). Ni weleweledala kolɔnbaga dɔw tɛ sera ka mɔgɔ dɔ sɔrɔ tugun a ka soo, tuma dɔw la u be lɛtɛrɛ ci a tigi ma wala u be papiye fitinin dɔ sɛbɛ k’a don a ka daa jukɔrɔ. Komi mɔgɔw sɔrɔ man di u ka soo, weleweledala dɔw be kɔn k’u lamɛnbaga ka telefɔni nimɔrɔ deli. U b’a tigi ɲininga ko: “N’ be se k’i ka nimɔrɔ sɔrɔ wa?” An be se k’a jati ko an ye viziti kura lo kɛ n’an tagara bɔ a tigi ye wala n’an ye lɛtɛrɛ, E-mail, SMS ci, n’an y’a weele telefɔni na wala n’an ye papiye fitinin dɔ sɛbɛ k’a don a ka daa jukɔrɔ. Hali n’a tigi man teli ka sɔrɔ soo, an be se ka koo dɔ kɛ k’a dɛmɛ tugun Alako ta fan fɛ.