Jɔn lo be Jehova sago kɛra bi?—Baara kɛcogo n’o kitabunin ye

Kitabunin Jɔn lo be Jehova sago kɛra bi? labɛnna walisa an k’a lajɛ ni Bibulu kalandenw ye kalan kelen kelen bɛɛ daminɛ na wala a laban na.a Kalansen 1-4nan be kalandenw dɛmɛ u ka Jehova Seerew lɔn ka ɲɛ. Kalansen 5-14nan b’u dɛmɛ k’a lɔn an ka baara ye min ye. Kalansen 15-28nan b’a to u k’a faamu an ka ɔriganisasiyɔn be baara kɛ cogo min na. A ka fisa an ka kalansenw lajɛ ka tugutugu ɲɔgɔn kɔ. Nka, kana sigasiga ka pan ka taga kalansen dɔ lajɛ ni kalanden ye n’o barokun ɲɛsinna a makoya tigitigi dɔ ma. Kalansen kelen kelen bɛɛ be sɔrɔ ɲɛɛ kelen dɔrɔn kan ani an be se k’u lajɛ miniti duuru ka taga se miniti tan kɔnɔ.

• 

  Ɲiningali min sɛbɛra ka kɛ kalansen barokun ye, o yira kalanden na.

• A’ ye kalansen kuru bɛɛ kalan, wala a’ y’a lajɛ cɛtigɛ ni cɛtigɛ.

• A’ ye baro kɛ o kan. A’ ye jaaw lajɛ ani ɲiningali minw sɛbɛra jukɔrɔ segikanni kama. Vɛrise minw kofɔra, n’a bɛnnin lo, a’ y’u kalan ani ka baro kɛ u kan. Cɛtigɛ minw sɛbɛra ka fin, a yira ka gwɛ k’u be barokun ka ɲiningali jaabi.

• A’ ye koorilen nin kalan ɲɔgɔn fɛ: “A ɲini ka dɔ lɔn tugun.” O kɔ, kalanden jija a k’o ladili sira tagama.