Kɛcogo ɲumanw, sodaw la

Kerecɛnw ye “filɛli fɛnw ye diɲɛ bɛɛ ɲɛ kɔrɔ” (1 Kor. 4:9, Bible senuma). O kama, a man ɲi ka bari an na ni mɔgɔw b’an filɛ ni finɛtiri ye wala n’u be to bonda kɔfɛ k’an lamɛn. N’a sɔrɔ kamera ni mikro be soo dɔw la k’o lukɔnɔmɔgɔw latanga. O fɛɛnw sababu fɛ u b’an kɔrɔsi, k’an lamɛn ani k’an jaa n’an kaan ta. Fɛɛrɛ dɔw filɛ, minw b’i dɛmɛ ka kɛ ni kɛcogo ɲumanw ye n’i be mɔgɔw ka sodaw la.—2 Kor. 6:3.

I KA KƐWALEW FƐ (Filip. 1:27):

• Bonya la lukɔnɔmɔgɔw kan. Kan’a ɲini ka filɛri kɛ boon kɔnɔ. K’i to soda la, kana dumuni kɛ, ka minni kɛ wala ka mɔgɔ weele telefɔni na wala ka sms ci.

I KA KUMA FƐ (Efɛz. 4:29):

• K’i to soda la, i t’a fɛ lukɔnɔmɔgɔw ka kuma min mɛn, kan’o fɔ. Weleweledala dɔw be baro lalɔ walisa k’u ka miiriya bɛɛ la u ka waajuli barokun kan.

Fɛɛrɛ wɛrɛ jumanw be se k’i dɛmɛ ka kɛ ni kɛcogo ɲumanw ye sodaw la?