Fɔrɔmasɔn di u ma walisa u ka se ka baara kɛ Jehova ye tuma o tuma

Weleweledala kuraw mana waajuli daminɛ dɔrɔn, an ka fɔrɔmasɔn di u ma walisa u ka waajuli kɛ ni kisɛya ye tuma o tuma. Koow b’a yira ko n’an b’o kɛ, u ka teli ka kɛ weleweledala setigiw ye (Talenw 22:6; Filip. 3:16). Ladili dɔw filɛ jukɔrɔ. U b’a yira cogo min na i be se ka kalanden dɛmɛ a ka se waajuli kɛcogo la:

• Ni sira dira kalanden ma ka waajuli kɛ, a daminɛ kelen ka fɔrɔmasɔn di a ma (km 8/15 1). A dɛmɛ a k’a faamu ka ɲɛ ko lɔgɔkun o lɔgɔkun, waajuli ka ɲi ka kɛ a ka baaraw faan dɔ ye (Filip. 1:10). N’i be kuma kiinmɔgɔw koo la, kana u kɔrɔfɔ (Filip. 4:8). Kalanden jija a ka waajuli kɛ ni jɛnkulu kɔrɔsibaga ni weleweledala wɛrɛw ye walisa ka hakili sɔrɔ u fɛ.—Talenw 1:5; km 10/12 6 § 3.

  

• Kalanden batizenin kɔ, to k’a jija hali bele ani kana a ka fɔrɔmasɔn dabila, sanko n’a ma tila gafe nin na fɔlɔ: “Ala ka kanuya.”—km 12/13 7

  

• N’i be waajuli kɛra ni weleweledala kura dɔ ye, yiracogo minw ka nɔgɔ, baara kɛ n’olu ye. Kalanden ka yiracogo lamɛn, ani o kɔ a tando koɲuman. Ladili dɔw di a ma minw bena a dɛmɛ a ka se waajuli kɛcogo la koɲuman.—km 5/10 7.