Yala i be nafa sɔrɔla kitabunin nin na wa: Examinons les Écritures chaque jour

Vɛrise min sugandira tilera kalan kama kitabunin Examinons les Écritures chaque jour kɔnɔ ani lakalita min kɛra, yala i delinanko lo k’u kalan wa? N’i t’o kɛ, i be se k’o kɛ i delinanko ye wa? Mɔgɔ caaman be tilera kalan kɛ sɔgɔma joona walisa ka miiri a kɔnɔnakumaw kan tile kuru bɛɛ la k’u to u ka baara la (Zozuwe 1:8; Zab. 119:97). I be se ka nafa sɔrɔ kosɔbɛ tilera kalan na cogo di? Vɛrise minw be kɔn tilera kalan vɛrise ɲɛ ani minw be tugu a kɔ, u kalan k’u faamu. Sariyakolo min be sɔrɔ o tilera kalan na, miiri Bibulu ka maana dɔ la min b’o ɲɛyira. O kɔ, o sariyakolo sira tagama. N’i be basigi Ala ka Kuma kan ka desizɔnw ta, o bena i nafa sɔbɛ la.​—Zab. 119:105.

Duniɲa kuru bɛɛ la, Betɛlidenw be kitabunin nin kalan daraka tuma na: Examinons les Écritures chaque jour. Kabi saan damanin, o sɔgɔma batoliw be bila JW Telewisɔn kan yɔrɔ nin na: KOOW ANI KALANW. Yala i mɛɛnna k’u filɛ wa? N’a sɔrɔ o kalan dɔw ɲɛsinna i ma tigitigi. Ɲɛyirali fɛ, Lɔti ka maana be se ka nɔɔ juman lo to i ka desizɔnw kan?

VIDEWO NIN FILƐ: ‘AW KANA DIƝƐ KOO DIYA AW YƐRƐ YE.’ (1 ZAN 2:15). O KƆ, ƝININGALI NUNU JAABI:

• O sɔgɔma batoli ka baro tun basiginin be Bibulu ka sariyakolo juman lo kan?

• Farati min b’a la ka duniɲa wala a kɔnɔnafɛnw kanu, Lɔti ka maana b’an dɛmɛ k’o faamu cogo di?​—Zɛnɛzi 13:12; 14:12; 19:3, 12, 13, 24-26.

• An be se k’a yira cogo di ko an be Jehova lo kanu ani ko an tɛ duniɲa n’a kɔnɔnafɛnw kanu?