KERECƐNW KA ƝƐNAMAYA
U be baaraba kɛ an nafa kosɔn
Kafokulu kɔrɔsibagaw n’u musow be baaraba kɛ u balimaw nafa kosɔn. U b’a yira o cogo la ko u b’u balimaw kanu. I ko anw, olu fana be n’u makoyakow ye ani tuma dɔw la, u be sɛgɛn, u fari be faga, ani u be hami (Zaki 5:17). O bɛɛ n’a ta, lɔgɔkun o lɔgɔkun, be taga bɔ kafo minw ye, u be banba k’u yɔrɔ balimaw lɔn u be se jija. Tiɲɛn na, kafokulu kɔrɔsibagaw “ka kan ni boɲa ye.”—1 Tim. 5:17.
Tuma min na ciden Pol tun b’a fɛ ka taga bɔ Ɔrɔmu kafo ye walisa ka “ni senu ka nilifɛn dɔ lase” u ma, a tun kɔrɔtɔnin lo u ka se “ka ɲɔgɔn jija.” (Ɔrɔm. 1:11, 12, Bible senuma). N’a y’a sɔrɔ ko aw ka kafokulu kɔrɔsibaga furunin lo, yala i miirila k’a filɛ i be se k’ale n’a muso jija cogo min na wa?
VIDEWO NIN FILƐ: KAFOKULU KƆRƆSIBAGA KA ƝƐNAMAYA, DUGU DENNINW NA. O KƆ, ƝININGALI NUNU JAABI:
Kafokulu kɔrɔsibagaw n’u musow b’a yira cogo di k’u b’u yɛrɛ saraka kafomɔgɔw kosɔn ni kanuya ye?
U be jijali minw kɛra, ele yɛrɛ ye nafa juman lo sɔrɔ o la?
An be se k’u jija cogo di?