Watchtower ka BIBLOTƐKI ƐNTƐRƐNƐTI KAN
Watchtower ka
BIBLOTƐKI ƐNTƐRƐNƐTI KAN
Jula
ɲ,ŋ,ɛ,ɔ
  • ɲ
  • ŋ
  • ɛ
  • ɔ
  • BIBULU
  • GAFEW
  • LAJƐNW
  • w25 Novanburu ɲɛɛ 28-29
  • “Bɛɛn min be sɔrɔ Nii Senuman” sababu la, a’ y’o sabati

Aucune vidéo n'est disponible pour cette sélection.

Il y a eu un problème lors du chargement de la vidéo.

  • “Bɛɛn min be sɔrɔ Nii Senuman” sababu la, a’ y’o sabati
  • Kɔrɔsili Sangaso be Jehova ka Masaya kofɔ (Kalan)—2025
  • Cɛtigɛw
  • A ɲɔgɔnnaw
  • BANBA WALISA BƐƐN KA TO AW NI ƝƆGƆN CƐ
  • Kelenya sɔbɛ, kerecɛnw cɛ: O be sɔrɔ cogo di?
    2003—An ka Masaya Cidenyabaara
  • An kanbɛnnen ka tugutugu ɲɔgɔn na
    2002—An ka Masaya Cidenyabaara
  • Hakilijigi lajɛn b’an ninsɔndiya ani k’an kaan bɛn
    Kɔrɔsili Sangaso be Jehova ka Masaya kofɔ (Kalan)—2018
Kɔrɔsili Sangaso be Jehova ka Masaya kofɔ (Kalan)—2025
w25 Novanburu ɲɛɛ 28-29
Balima dɔw be dumuni diyabɔra ɲɔgɔn fɛ dɔ ka soo.

“ Bɛɛn min be sɔrɔ Nii Senuman” sababu la, a’ y’o sabati

CIDEN POL ye Efɛzi kerecɛnw jija ko: “Aw . . . ka ɲɔgɔn dɛmɛdɛmɛ kanuya la. Bɛɛn min be sɔrɔ Nii Senuman fɛ, aw ka banba ka to o la hɛrɛ kosɔn.”—Efɛz. 4:2, 3.

“Bɛɛn” wala kelenya min b’an ni ɲɔgɔn cɛ, o be sɔrɔ “Nii Senuman” sababu lo la. O kɔrɔ ko an kaan bɛnnin lo Ala ka hakili senu lo barika la. Nga Pol y’a ɲɛfɔ ko o tɛ ɲɛ jijali kɔ. Jɔn lo ka ɲi k’o jijali kɛ? Kerecɛn kelen kelen bɛɛ ka ɲi k’a seko kɛ walisa “bɛɛn” wala kelenya ka to an ni ɲɔgɔn cɛ.

Miiri k’a filɛ ko mɔgɔ dɔ ye mobili kura d’i ma. Jɔn lo ka ɲi k’o mobili ladon? O jaabili gwɛnin lo. N’o mobili tiɲɛna sabu i m’a ladon, i tɛna baga mobilidibaga ma.

O cogo kelen na, Ala ka dɛmɛ lo barika la an be kelenya la. Nga, an kelen kelen bɛɛ ka ɲi k’an jija walisa o kelenya kana nagasi. Ni bɛɛn t’an ni balima dɔ cɛ, an ka ɲi k’an yɛrɛ ɲininga ko: “Yala n’ be n’ seko bɛɛ kɛra walisa kelenya ka to kafo kɔnɔ wa?”

BANBA WALISA BƐƐN KA TO AW NI ƝƆGƆN CƐ

Pol ka kumaw b’an dɛmɛ k’a faamu ko tuma bɛɛ tɛ a ka nɔgɔ ka to hɛɛrɛ la n’an balimaw ye, sanko ni dɔ donna an gasi la. Walisa bɛɛn ka to an ni ɲɔgɔn cɛ, tuma o tuma ni mɔgɔ dɔ donna an gasi, yala an ka ɲi ka taga kuma a fɛ o koo la wa? Waajibi tɛ. I yɛrɛ ɲininga ko: “Ni n’ tagara kuma a fɛ o koo la, yala o bena a to bɛɛn be kɛ an ni ɲɔgɔn cɛ wala o bena koo tɔɔ juguya le?” Tuma dɔw la, min ka fisa, o ye ka tɛmɛ o koo kan wala ka yafa a tigi ma.—Talenw 19:11; Mariki 11:25.

Jaaw: Balimacɛ dɔ y’a latigɛ ka yafa balimacɛ wɛrɛ ma. 1. Balima dɔ be sɔngɔra o balima kun na. 2. O balimacɛ ye min kɛ, a be miirila o la. 3. A be Bibulu kalanna ani ka miiri a kan.

I yɛrɛ ɲininga ko: “Ni n’ tagara kuma a fɛ o koo la, yala o bena a to bɛɛn be kɛ an ni ɲɔgɔn cɛ wala o bena koo tɔɔ juguya le?”

Pol y’a sɛbɛ ko an “ka ɲɔgɔn dɛmɛdɛmɛ kanuya la.” (Efɛz. 4:2). Ka kɛɲɛ ni lɔnni gafe dɔ ye, o kuma be se ka bayɛlɛma ko: “A’ y’u minɛ n’u sɔɔn ye.” O kɔrɔ ko an be sɔn a ma ko an balimaw fana ye jurumutɔw ye i ko anw. Tiɲɛn lo ko an b’an jijara “ka jogokura ta.” (Efɛz. 4:23, 24). Nga, an si tɛ se k’o kɛ cogo dafanin na (Ɔrɔm. 3:23). N’an sɔnna o ma, a bena nɔgɔya an ma ka muɲu ɲɔgɔn kɔrɔ, ka yafa ɲɔgɔn ma ani “bɛɛn min be sɔrɔ Nii Senuman fɛ,” k’o sabati.

Ni balima dɔ donna an gasi la, n’an yafara a ma ani n’an y’o koo bɔ an hakili la, hali n’an y’o kɛ an dusukun na le, o be kɛ sababu ye, “hɛrɛ” be to an ni ɲɔgɔn cɛ. Gɛrɛkikan kumaden min bayɛlɛmana Efɛzikaw 4:3 kɔnɔ ko “hɛrɛ,” o bayɛlɛmana Kɔlɔsikaw 2:19 kɔnɔ ko “fasajuru.” Fasajuruw ye juru sifa dɔw ye minw be kolow tugu ɲɔgɔn na. O cogo kelen na, hɛɛrɛ min be an n’an balimaw cɛ ani an be ni kanuya min ye u koo la, o b’an dɛmɛ an magwɛrɛnin ka to u la bɛnbaliyakow bɛɛ n’a ta.

O la, n’i kerecɛnɲɔgɔn dɔ donna i gasi la, wala a ye koo dɔ kɛ min y’i kɔnɔ gwan, a ɲini k’a faamu sanni i ka sinsin a ka fili kan (Kɔlɔs. 3:12). Ele fana delila ka don dɔ gasi la sabu an bɛɛ ye mɔgɔ dafabaliw ye. N’i b’o to i hakili la, o bena i dɛmɛ walisa “bɛɛn min be sɔrɔ Nii Senuman fɛ” o ka sabati.

    Julakan Gafew (2000-2025)
    Se déconnecter
    Se connecter
    • Jula
    • Partager
    • I diyanyekow
    • Copyright © 2025 Watch Tower Bible and Tract Society of Pennsylvania
    • An ka saratiw
    • Kunnafoniw maracogo
    • Paramètres de confidentialité
    • JW.ORG
    • Se connecter
    Partager