Watchtower ka BIBLOTƐKI ƐNTƐRƐNƐTI KAN
Watchtower ka
BIBLOTƐKI ƐNTƐRƐNƐTI KAN
Jula
ɲ,ŋ,ɛ,ɔ
  • ɲ
  • ŋ
  • ɛ
  • ɔ
  • BIBULU
  • GAFEW
  • LAJƐNW
  • lff kalansen 56
  • I seko kɛ walisa kafo kaan bɛnnin ka to

Aucune vidéo n'est disponible pour cette sélection.

Il y a eu un problème lors du chargement de la vidéo.

  • I seko kɛ walisa kafo kaan bɛnnin ka to
  • Ɲɛnamaya kɛ hɛɛrɛ la fɔɔ abada!—Nafa sɔrɔ bibulukalan na
  • Cɛtigɛw
  • A ɲɔgɔnnaw
  • A ƝINI KA DƆ LƆN TUGUN
  • MIIRIYA JƆNJƆN
  • NUNU LAJƐ FANA
  • K’an magwɛrɛ ɲɔgɔn na, o b’an nafa
    Kɔrɔsili Sangaso be Jehova ka Masaya kofɔ (Kalan)—2025
  • “Aw si kana denmisɛn nunu dɔ” kunnatiɲɛ
    Kɔrɔsili Sangaso be Jehova ka Masaya kofɔ (Kalan)—2021
  • I be se ka Jehova ka yafali ladegi cogo di?
    Kɔrɔsili Sangaso be Jehova ka Masaya kofɔ (Kalan)—2025
  • I ka kanuya sabati Jehova n’i balimaw koo la
    Kɔrɔsili Sangaso be Jehova ka Masaya kofɔ (Kalan)—2021
Dɔ wɛrɛw lajɛ
Ɲɛnamaya kɛ hɛɛrɛ la fɔɔ abada!—Nafa sɔrɔ bibulukalan na
lff kalansen 56
Kalansen 56nan. Balimamuso fila be ɲɔgɔn fora ninsɔndiya la hali k’a sɔrɔ u tɛ siya kelen na.

KALANSEN 56

I seko kɛ walisa kafo kaan bɛnnin ka to

Édition imprimée
Édition imprimée
Édition imprimée

An be ni Masacɛ Dawuda ka miiriya ɲɔgɔn lo ye n’an be n’an balimaw ye. A ko: “Tiɲɛ na, balimaw ka to ɲɔgɔn fɛ, o ka ɲi, o ka di.” (Zaburuw 133:1). An ka kelenya nin ma na a yɛrɛ ma. An kelen kelen bɛɛ ka kan ka dɔ kɛ dɔ ye walisa an kaan bɛnnin ka to.

1. Mun lo be mɔgɔw kabakoya Jehova sagokɛlaw koo la?

N’i tagara kafo ka lajɛn na jamana wɛrɛ la, kaan min be fɔ yen, n’a sɔrɔ i tɛna o mɛn. Nka a bena kɛ i ɲɛɛ na ko i b’i faso la le. Mun na do? Sabu aw be baara kɛ ni gafe minw ye ka Bibulu kalan kafo kɔnɔ, kafo tɔɔw fana be baara kɛ n’o kelen kelen lo ye duniɲa kuru bɛɛ la. Ani, an b’an jija k’a yira ɲɔgɔn na ko an be ɲɔgɔn kanu. An mana kɛ yɔrɔ o yɔrɔ, an bɛɛ be Jehova “bato ni dusu kelen ye.”—Sofoni 3:9.

2. I be se ka mun lo kɛ walisa kafo kaan bɛnnin ka to?

“Aw ka ɲɔgɔn kanu kosɔbɛ n’aw dusu bɛɛ ye.” (1 Piyɛri 1:22). I be se k’o ladili sira tagama cogo di? Sanni i k’i ɲɛɛ lɔnin to tɔɔw ka fiɲɛw kan, u ka jogo ɲumanw lo filɛ. E ni minw ka koow ye kelen ye, kana a ɲini ka wagati kɛ n’olu dɔrɔn lo ye. Nka, e ni balima minw ka koow tɛ kelen ye, a ɲini k’olu fana lɔn. I jija ka miiriya tilenbali sifa bɛɛ bɔ i kɔnɔ balimaw koo la.—1 Piyɛri 2:17 kalan.a

3. I bena mun lo kɛ ni bɛnbaliya donna e ni balima dɔ cɛ?

Tiɲɛn lo ko an kaan bɛnnin lo. Nka an ye mɔgɔ dafabaliw ye. Tuma dɔw la, an be tɔɔw jigi tigɛ wala an be don u gasi la. O kama, Ala ka Kuma b’a fɔ an ye ko: “Aw ka yafa ɲɔgɔn ma tuma bɛɛ.” A b’a fara a kan ko: “[Jehova] yafara aw ma cogo min na, aw fana ka yafa ɲɔgɔn ma ten.” (Kɔlɔsikaw 3:13 kalan). An be don Jehova gasi la siɲɛ caaman na, o n’a ta bɛɛ a be yafa an ma. O kama, a b’a ɲini an fɛ an fana ka yafa an balimaw ma. N’i y’a ye ko i donna dɔ gasi la, taga bɛɛn sigi aw cɛ.—Matiyo 5:23, 24 kalan.b

A ƝINI KA DƆ LƆN TUGUN

An k’a filɛ i be se ka min kɛ walisa kafo kaan bɛnnin ka to ani a ka hɛɛrɛ kana nagasi.

Jaaw: Balimacɛ dɔ be hɛɛrɛ kɛra ni balimacɛ wɛrɛ ye. Jaa fɔlɔ: O Balimacɛ wɛrɛ be sɔngɔra a kun na. Jaa 2nan: A be miirila o balimacɛ ka kumaw na. Jaa 3nan: A be Bibulu ka ladili dɔ kalanna min b’a yira an ka ɲi ka min kɛ ni dɔ donna an gasi la. Jaa 4nan: Ale n’o balimacɛ be kafeminyɔrɔ ani a be bɛɛn kɛra n’a ye.

I bena mun lo kɛ walisa ka se ka hɛɛrɛ kɛ ni tɔɔw ye?

4. See sɔrɔ miiriya tilenbaliw kan

An b’a fɛ k’an balimaw bɛɛ kanu. Nka tuma dɔw la, a man nɔgɔ ka sɔn balima dɔ ma an ni min ka koow tɛ kelen ye. Mun lo be se k’an dɛmɛ o la? Kɛwaliw 10:34, 35 kalan. O kɔ, a’ ye ɲiningali nunu kɛ ani ka baro kɛ u kan:

  • Jehova be sɔn ko mɔgɔ sifa bɛɛ k’ale bato. O ka ɲi k’i lasun ka kɛ ni miiriya jumanw lo ye tɔɔw koo la, i ni minw ka koow tɛ kelen ye?

  • Mɔgɔw be ni miiriya tilenbali jumanw lo ye i ka mara la? Mun na i b’a fɛ k’i yɛrɛ tanga o ma?

2 Korɛntikaw 6:11-13 kalan. O kɔ, a’ ye ɲiningali nin kɛ ani ka baro kɛ o kan:

  • I be se k’a ɲini k’i balimaw bɛɛ kanu kosɔbɛ cogo di?

5. Sɔn ka yafa ani a ɲini ka hɛɛrɛ kɛ n’i balima ye

Jehova be sɔn ka yafa an ma k’a sɔrɔ a mako tɛna kɛ a la abada an ka yafa ale ma. Zaburuw 86:5 kalan. O kɔ, a’ ye ɲiningali nunu kɛ ani ka baro kɛ u kan:

  • Vɛrise nin be mun lo fɔ Jehova koo la?

  • Mun na a ka di i ye k’a ye ko a be yafa?

  • Koo jumanw lo be se k’a to a be gwɛlɛya an ma ka bɛn ni tɔɔw ye?

An be se ka Jehova ladegi cogo di? Ani, an be se ka mun lo kɛ walisa an n’an balimaw kaan bɛnnin ka to? Talenw 19:11 kalan. O kɔ, a’ ye ɲiningali nin kɛ ani ka baro kɛ o kan:

  • N’i mɔgɔ dɔ y’i dusu dimi, wala n’a donna i gasi la, i be se ka mun lo kɛ walisa ka koow nɔgɔya aw ni ɲɔgɔn cɛ?

Tuma dɔw la, anw lo be don tɔɔw gasi la. N’o lo, an ka ɲi ka mun lo kɛ? A’ ye VIDEWO filɛ. O kɔ, a’ ye ɲiningali nin kɛ ani ka baro kɛ o kan:

VIDEWO: Ka hɛɛrɛ kɛ, o be na ni duga caaman ye (6:01)

  • Balimamuso nin ye mun lo kɛ walisa ka bɛɛn sigi kokura ale ni balimamuso dɔ nin cɛ?

6. I balimaw ka jogo ɲumanw lo filɛ

N’an b’an balimaw lɔn ka ɲɛ, an b’a ye jogo ɲuman minw b’u la, ani fana fiɲɛ minw b’u la. An be se ka sinsin u ka jogo ɲumanw kan cogo di? A’ ye VIDEWO filɛ. O kɔ, a’ ye ɲiningali nin kɛ ani ka baro kɛ o kan:

VIDEWO: Dɔ fara i ka jogo ɲumanw kan! (5:10)

  • Mun lo be se k’i dɛmɛ ka sinsin i balimaw ka jogo ɲumanw lo kan?

Jehova be sinsin an ka jogo ɲumanw lo kan. 2 Tilew Kibaru 16:9a kalan. O kɔ, a’ ye ɲiningali nin kɛ ani ka baro kɛ o kan:

  • K’a lɔn ko Jehova be sinsin i ka jogo ɲumanw lo kan, o be mun lo kɛ i la do?

Bolokunnandennɛgɛ lululaman dɔ.

Fiɲɛw be lulu cɛɲumanin na. O n’a ta bɛɛ, fɛɛn sɔngɔ gwɛlɛ lo. O cogo kelen na, an balimaw bɛɛ ye mɔgɔ dafabaliw ye. Nka u koo ka gwɛlɛ Jehova ma

NI MƆGƆ DƆ Y’A FƆ I YE KO: “Sanni n’ ka yafa a ma, fɔɔ a ka yafa deli fɔlɔ.”

  • Mun na an ka ɲi ka sɔn ka yafa tɔɔw ma?

MIIRIYA JƆNJƆN

N’i be yafa i balimaw bɛɛ ma ani n’i b’a yira u la ko i b’u kanu, o be kɛ sababu ye kafo kaan bɛnnin be to.

I ye mun lo faamu?

  • Miiriya tilenbali minw b’i kɔnɔ tɔɔw koo la, i be se ka see sɔrɔ u kan cogo di?

  • I bena mun lo kɛ ni bɛnbaliyako dɔ donna ele ni balima dɔ cɛ?

  • Mun na i b’a fɛ ka Jehova ladegi i kɛtɔ ka yafa tɔɔw ma?

I ka laɲinita

NUNU LAJƐ FANA

A filɛ Yezu ka ntalen kuma dɔ be se k’an dɛmɛ cogo min na walisa an kana tɔɔw kiti.

Lɔgɔkuru nin bɔ yen (6:56)

An ka ɲi ka sɔn ka yafa deli hali n’a b’an ɲɛɛ na ko an ma koo jugu foyi kɛ wa?

“Les excuses contribuent à la paix” (Saan 2002, novanburukalo tile fɔlɔ ka Kɔrɔsili Sangaso)

N’u ko kelenya sɔbɛ, a filɛ cogo min na cɛɛ fila sera k’a ye o kɔrɔ ye min ye k’a sɔrɔ u bonyana siyawoloma yɔrɔ dɔ la.

Kan’a ta mɔgɔw nɛnayeli ma k’u kiti (5:06)

A filɛ i be se ka bɛnbaliyako dɔ ɲɛnabɔ ni dɔ ye cogo min na sanni o koo ka kafo ka hɛɛrɛ nagasi.

“Règle les désaccords avec amour” (Saan 2016, mɛkalo ka Kɔrɔsili Sangaso)

a Kunnafoni wɛrɛw no 6 b’a ɲɛfɔ kanuya be se ka kerecɛn sɔbɛ lasun ka min kɛ walisa a kana bana yɛlɛmata dɔ yɛlɛma tɔɔw la.

b Kunnafoni wɛrɛw no 7 b’a yira bɛnbaliyakow be ɲɛnabɔ cogo min na ni jagoko wala kitiko dɔ be e n’i balima dɔ cɛ.

    Julakan Gafew (2000-2025)
    Se déconnecter
    Se connecter
    • Jula
    • Partager
    • I diyanyekow
    • Copyright © 2025 Watch Tower Bible and Tract Society of Pennsylvania
    • An ka saratiw
    • Kunnafoniw maracogo
    • Paramètres de confidentialité
    • JW.ORG
    • Se connecter
    Partager