19 Negbe mia srɔ̃wo, mia viwo kple miaƒe lãhawo (menya nyuie be lãha gbogbo aɖe le mia si) koe anɔ du siwo metsɔ na mi la me, 20 va se ɖe esime Yehowa nana gbɔɖeme mia nɔviwo abe ale si wòna mii ene, eye woawo hã woxɔ anyigba si Yehowa mia Mawu ana wo le Yordan godo la. Emegbe mia dometɔ ɖe sia ɖe natrɔ ava anyigba si metsɔ na mi wònye mia tɔ la dzi.’+

14 Mia srɔ̃wo, mia viwo kple miaƒe lãhawo anɔ anyigba si Mose tsɔ na mi le Yordan+ ƒe go sia dzi* la dzi, gake miaƒe aʋakalẽawo+ katã nabla aʋakpa atso tɔa le mia nɔviwo ŋgɔ.+ Eye miakpe ɖe wo ŋu 15 va se ɖe esime Yehowa nana gbɔɖeme mia nɔviwo, abe ale si wòna mii ene, eye woawo hã woaxɔ anyigba si Yehowa mia Mawu tsɔ le wo nam be wòazu wo tɔ la. Emegbe hafi miatrɔ ayi anyigba si wotsɔ na mi be mianɔ edzi eye wòazu mia tɔ la dzi, anyigba si Yehowa ƒe subɔla Mose tsɔ na mi le Yordan ƒe ɣedzeƒe.’”+

8 Manase-toa ƒe afã susɔea, Ruben viwo kple Gad viwo xɔ woƒe domenyinu si Mose na wo le Yordan ƒe ɣedzeƒe gome, abe ale si Yehowa ƒe subɔla Mose na woe ene:+