Yehowa Na Ðela mí

29 Gbɔgbɔmeme gbãtɔ si Mawu wɔ la le abe ŋgɔgbevi ene nɛ.

Mawu lɔ̃e ŋutɔ, eye ato edzi atsrɔ̃ ame vɔ̃ɖiwo eye wòaɖe toɖolawo.—Yohanes 3:16, 36

30 Yehowa dɔ Via ɖo ɖa be wodzii le anyigba dzi. Wotsɔ ŋkɔ nɛ be Yesu. Dadaa ŋkɔe nye Maria.—Luka 1:30-35

31 Esi Yesu tsi la, efia nu nyui geɖe. Efia nu amewo be Yehowa ɖeka koe nye Mawu vavã.—Marko 12:29, 30

Yesu gblɔ be Yehowa ɖeka ko wòle be míasubɔ.—Mateo 4:10; Yohanes 4:23, 24

Efia nu amewo tso Yehowa ƒe fiaɖuƒea ŋu.—Luka 17:20, 21

32 Yesu da dɔ na dɔnɔwo hewɔ nu nyui geɖe. Mewɔ nu gbegblẽ aɖeke o.—Dɔwɔwɔwo 10:38; Petro I, 2:21, 22

Ke aleke wòle mía ɖe ge tso nuvɔ̃ kple ku mee?

33 Ele be wòasa vɔ na Mawu atsɔ aɖe ame nyuiwoe. Tsã la, Mawu gblɔ na amewo be woatsɔ lãwo asa vɔe ɖe woƒe nuvɔ̃wo ta.—Hebritɔwo 7:25, 27

34 Menye lãwoe Yesu tsɔ sa vɔe o. Eɖokui wòtsɔ sa vɔe ɖe mía ta.—Mateo 20:28; Hebritɔwo 10:12

Ènya nusitaea?