Alesi woɖe mí tso nuvɔ̃ kple ku mee

35 Èɖo ŋku edzi be ame gbãtɔ, Adam, wɔ nuvɔ̃a? Ebu eƒe agbe kple paradisoa hã, eye mí katã hã míekuna elabena viawoe míenye.—Romatɔwo 5:12; 3:23

36 Ne ame deblibo bubu aɖe tsɔ eƒe agbe na ɖe mía ta, alo ɖe mí tso ku me la, agbe deblibo sia agate ŋu asu mía si.—Korintotɔwo I, 15:45; Romatɔwo 5:19, 21

37 Yesu nye Mawu ƒe Vi. Ame deblibo wònye. Mewɔ nuvɔ̃ kpɔ o.—Hebritɔwo 5:9; 7:26

38 Eɖe mɔ be amesiwo melɔ̃ Mawu o la wui.—Dɔwɔwɔwo 2:23

Esiae nye eɖokui si wòtsɔ sa vɔe ɖe mía ta.—Timoteo I, 2:6

39 Woɖi Yesu ɖe kpeto alo yɔdo me. Eku ŋkeke etɔ̃ sɔŋ. Emegbe la, Mawu fɔe ɖe tsitre.—Dɔwɔwɔwo 2:24

40 Egatrɔ yi dziƒo. Fifia ate ŋu abia Mawu be wòakpe ɖe amesiwo ɖoa toe la ŋu.—Hebritɔwo 9:24; Yohanes I, 2:1, 2