AKPA 14

Aleke Nàwɔ Anɔ Yehowa Ƒe Akpa Dzi?

Nɔ Mawu ƒe akpa dzi. 1 Petro 5:6-9

Kristotɔ sia gbe be yemaƒo ye ɖokui ɖe alakpasubɔsubɔ kple dunyahehe me o

Mègakpɔ gome le kɔnu siwo mewɔ ɖeka kple Biblia o la dometɔ aɖeke me o. Esia bia dzinɔameƒo.

Mègade nu dunyahehe me o; dunyahelawo mele Yehowa kple eƒe Fiaɖuƒea ƒe akpa dzi o.

Ðo to Mawu—esiae nye tiatia nyuitɔ. Mateo 7:24, 25

Ŋutsu aɖe va kpekpe le Fiaɖuƒe Akpata me, eyome Yehowa Ðasefo aɖe le Biblia srɔ̃m kplii

De ha kple Yehowa Ðasefowo; woakpe ɖe ŋuwò nàte ɖe Mawu ŋu.

Yi edzi nàsrɔ̃ nu tso Mawu ŋu, eye dze agbagba nàwɔ ɖe eƒe sewo dzi.

Ŋutsu aɖe le adzɔgbe ɖem na Yehowa le gbedodoɖa me eye wòxɔ nyɔnyrɔ emegbe

Ne ènya xɔ nu siwo srɔ̃m nèle dzi se bliboe ko la, tsɔ ɖokuiwò ɖe adzɔgbe na Yehowa eye nàxɔ nyɔnyrɔ.—Mateo 28:19.

Ðo to Mawu. Nɔ Biblia xlẽm, eye nàbia Yehowa Ðasefowo woakpe ɖe ŋuwò nàse egɔme. Nɔ agbe ɖe nu siwo srɔ̃m nèle nu. Esia ana nànɔ agbe tegbee.—Psalmo 37:29.