Nyabiaɖaka

◼ Amekawoe wòle be woana Míaƒe Fiaɖuƒe Subɔsubɔdɔ lae?

Wotrɔ asi le Míaƒe Fiaɖuƒe Subɔsubɔdɔ gbalẽvia ŋu be woatsɔ ana kpekpeɖeŋu kple dzideƒo amesiwo dea gbeadzi. Eyata menye amesiame koe woamãe na o. Woana gbeƒãɖela xɔnyɔnyrɔwo kple gbeƒãɖela maxɔnyɔnyrɔwo katã. Woana amesiwo dea Subɔsubɔ Kpekpea edziedzi eye wole ŋgɔyiyi wɔm ɖo ta gbeadziyiyi gbɔ hã. Mikpɔ egbɔ be yewosusɔ ɖeka ɖi atsɔ ade Fiaɖuƒe Akpata ƒe agbalẽdzraɖoƒe. Mele be woana Míaƒe Fiaɖuƒe Subɔsubɔdɔa amesiwo woɖe le hame o. Hame aɖewo kpɔe be ede yewo dzi be woaŋlɔ amesiwo katã dze na exɔxɔ ƒe ŋkɔwo eye womã ŋkɔawo ɖe Hame ƒe Agbalẽ me Nusɔsrɔ̃ ƒe ƒuƒoƒowo nu. Nusɔsrɔ̃a dzikpɔlawo ate ŋu azã ŋkɔ siawo be emamã nanɔ bɔbɔe na wo, ɖewohĩ woatsɔ mɔ̃ aƒo amesiame ƒe ŋkɔ ɖe etɔ dzi alo aŋlɔe kple asi nyuie gɔ̃ hã.