Ghana Betel Kekeɖenudɔa Ŋu Nyatakaka

Tsi dza ŋutɔ le May ɣletia me. Togbɔ be ele alea hã, míewɔ ŋgɔyiyidɔ bubuwo.

Míewu míaƒe dzodoƒe yeyea ƒe gɔmeɖoanyi bliboa katã nu. Madidi o míadze gliawo ɖoɖo gɔme. Be míado tsɔtsɔe dzodoƒe yeyea kple nuɖuƒea ŋu dɔwo la, Betel-ƒomea ʋu yi xɔdɔme siwo nye dziƒoxɔ la te, afisi wodzra ɖo wònye nuɖuƒe woanɔ zazãm gbɔ la me.

Woɖi sɔtiwo na xɔ si tum wole na ʋudaɖoƒea vɔ eye wole atiwo blam ɖe etame si me woakɔ kɔnkreti ɖo. Wowu tsi gbegblẽwo kɔɖoƒea dzi sasrã hã nu.

Woku afisiwo xɔdɔme yeyeawo gbɔ mɔdodowo ato hã vɔ xoxo. Wole pɔmpiwo kple akaɖikawo ɖim ɖe to me. Wole Amedzroxɔƒe kple Fiaɖuƒe Akpata yeyea ƒe ʋutɔɖoƒea ŋu dɔwo hã dzi vevie.

Míekpɔa ŋudzedze ɖe nɔvi siwo doa vevie dɔ ale gbegbe ŋu ŋutɔ, vevietɔ amesiwo tso Accra/Tema nutome va kpena ɖe mía ŋu gbesiagbe.

Ẽ, togbɔ be “tsi dzana, eye tɔwo ɖɔna” hã, Yehowa yi dzi le mía yram kple ‘yayra ƒe tsiwo.’—Mt 7:25; Xez 34:26.