Nuteƒewɔla Hiob Ƒo Nu Kple Vevesese

Togbɔ be Hiob zu wɔnamanɔŋutɔ, viawo ku eye wòdze dɔ hã la, eyi edzi wɔ nuteƒe. Eya ta Satana dze agbagba be yeazã dziɖeleameƒo atsɔ agblẽ eƒe nuteƒewɔwɔ me. Hiob “xɔlɔ̃” etɔ̃ va egbɔ. Gbã la, woɖee fia gaglã be yewose veve ɖe enu. Emegbe wonɔ anyi ɖe egbɔ numaƒomaƒoe ŋkeke adre; womegblɔ nya aɖeke tsɔ fa akɔ nɛ o. Nya siwo wogblɔ emegbe nye fɔbuamenya sesẽwo.

Togbɔ be woƒo nya ɖe Hiob nu vevie hã la, elé nuteƒewɔwɔ me ɖe asi na Yehowa

6:3; 7:16; 9:20-22; 10:1, 12

• Nuxaxa vevie na be Hiob mebu nuwo ŋu nyuie o. Eƒo nya ta vodadatɔe be Mawu metsɔ ɖeke le yeƒe nuteƒewɔwɔ me o

• Esi dzi ɖe le Hiob ƒo ta la, mebu nu bubu siwo gbɔ eƒe fukpekpewo anya tso la ŋu o

• Togbɔ be nuxaxa na nu te Hiob ŋu hã la, eƒo nu tso lɔlɔ̃ si le esi na Yehowa ŋu na enutsolawo