INTERNET DZI AGBALẼDZRAƉOƑE

INTERNET DZI AGBALẼDZRAƉOƑE

mwb16 April axa 3
De Dzi Ƒo Na Amewo Eye Nàtsɔ Nya Siwo Sɔ Afa Akɔ Na Wo

Kristotɔwo Ƒe Agbenɔnɔ Kple Subɔsubɔdɔ—Kpekpea Ƒe Nusrɔ̃gbalẽ (2016)

mwb16 April axa 3

NU XƆASI SIWO LE MAWU ƑE NYA LA ME | HIOB 16-20

De Dzi Ƒo Na Amewo Eye Nàtsɔ Nya Siwo Sɔ Afa Akɔ Na Wo

Ele be aɖaŋuɖola ƒe nyawo nade dzi ƒo

Hiob ƒe dzi gbã eye wòlé blanui, eya ta ehiã kpekpeɖeŋu kple nya siwo ade dzi ƒo nɛ
Hiob xɔlɔ̃ etɔ̃awo megblɔ nya aɖeke tsɔ fa akɔ nɛ o. Ke boŋ wohe nya ɖe eŋu si wɔe be wògatsi dzimaɖi ɖe edzi

Bildad ƒe nyatɔamewo do vevesese na Hiob vevie

Hiob do ɣli na Mawu be wòana gbɔdzɔe aɖe si nu ye—ne anye ku gɔ̃ hã
Hiob ƒe susu nɔ tsitretsitsi mɔkpɔkpɔa ŋu eye wòyi edzi do dzi nuteƒewɔwɔtɔe

Elifaz le nu ƒom na Hiob eye Zofar kple Bildad le wo kpɔm

AME SIWO TSO HIOB NU

Elifaz:

Ðewohĩ etso Teman si le Edom-nyigba dzi. Wogblɔ le Teman ŋu le Yeremiya 49:7 be enye afi si Edomtɔwo ƒe nunya bɔ ɖo
Ðewohĩ Elifaz si nye tsitsitɔ eye bubu le eŋu wu le “akɔfala” etɔ̃awo dome lae ƒo nu gbã. Eƒo nu zi etɔ̃ eye wòƒo nu wòdidi wu ame susɔeawo

Eƒe alakpanutsotsoawo:

Eɖu fewu le Hiob ƒe nuteƒewɔwɔ ŋu eye wògblɔ be Mawu meka ɖe esubɔlawo dzi o (Hio 4, 5)
Egblɔ be Hiob nye dadala kple ame vɔ̃ɖi eye wògblɔ be Hiob mevɔ̃a Mawu o (Hio 15)
Etsɔ nya ɖe Hiob ŋu be enye ŋuklẽla kple nu madzɔmadzɔ wɔla, eye wògblɔ be viɖe mele amegbetɔ ŋu le Mawu ŋkume o (Hio 22)

Bildad:

Enye Suatɔ. Ðewohĩ enɔ Frat-tɔsisia to
Eyae nye ame evelia si ƒo nu. Eƒe nuƒo etɔ̃awo nɔ kpuie eye wonye nyatɔamewo wu Elifaz ƒe nyawo

Eƒe alakpanutsotsoawo:

Eƒe nyawo fia be Hiob viwo wɔ nu vɔ̃ eya ta wodze na vɔ̃ si dzɔ ɖe wo dzi la, eye be Hiob ŋutɔ nye ame mavɔ̃mawu (Hio 8)
Eƒe nyawo fia be Hiob nye nu gbegblẽ wɔla (Hio 18)
Egblɔ be amegbetɔ ƒe nuteƒewɔwɔ nye dzodzro (Hio 25)

Zofar:

Enye Naamatɔ, ɖewohĩ etso Arabia ƒe dzieheɣetoɖoƒe
Eyae nye ame etɔ̃lia si ƒo nu eye eyae tso Hiob nu vevie wu. Zi eve koe wòƒo nu

Eƒe alakpanutsotsoawo:

Etso Hiob nu be eƒe nyawo nye nya gbɔlowo eye wògblɔ nɛ be wòaɖe asi le eƒe mɔ vɔ̃wo ŋu (Hio 11)
Eƒe nyawo fia be Hiob nye ame vɔ̃ɖi eye nu vɔ̃ɖi wɔwɔ dzɔa dzi nɛ (Hio 20)