NU XƆASI SIWO LE MAWU ƑE NYA LA ME | 2 MOSE 35-36

Yehowa Ate Ŋu Akpe Ðe Ŋuwò Nàwɔ Dɔ Nɛ

Yehowa ƒe gbɔgbɔ kɔkɔea kpe ɖe Bezalel kple Oholiab ŋu wowɔ dɔ siwo katã ku ɖe takpegbadɔa ŋu la pɛpɛpɛ. (Kpɔ foto si le akpaa dzi.) Yehowa ƒe gbɔgbɔ kɔkɔe sẽŋua ate ŋu akpe ɖe esubɔla siwo li egbea hã ŋu. Nu kawoe míawɔ be wòaɖe vi na mí?

Ele be míado gbe ɖa na Yehowa abia eƒe gbɔgbɔ kɔkɔea be wòana míaƒe ŋutetewo naganyo ɖe edzi míatsɔ asubɔe
Ele be míasrɔ̃ Mawu ƒe Nyaa si eƒe gbɔgbɔ ʋã amewo woŋlɔ la kutrikukutɔe
Ele be míawɔ míaƒe ŋutete katã le dɔ ɖe sia ɖe si woade mía si la me

Foto: Yehowa Ðasefowo le teokrasidɔ vovovowo wɔm. 1. Nɔvinyɔnuwo le asi kpem ɖe xɔtudɔ aɖe ŋu. 2. Nɔviŋutsu aɖe le dzadzram ɖo ɖe ‘Gbetakpɔxɔ’ nusrɔsrɔ̃ aɖe si dzi wòava kpɔ la ŋu. 3. Nɔviŋutsu aɖe le gbeƒã ɖem na fiasetɔ aɖe eye nɔviŋutsu si le gbeadzi kplii la le ŋudzɔ ɖe tsitretsiɖeŋulawo ŋu. 4. Atsu kple asi aɖe le Fiaɖuƒe Nyanyuigblɔlawo Ƒe Suku.

Dɔ kawoe Yehowa ate ŋu akpe ɖe ŋuwò nàwɔ?