Ŋgɔdonya

Nu 12 Siwo Nana Ƒomewo Kpɔa Dzidzedze

Ne ƒomewo gbãa, míesea nya geɖe tso nu si gbɔ wòtso la ŋu. Gake nu ka gbɔe wòtso be ƒome aɖewo ya kpɔa dzidzedze?

• Tso ƒe 1990 va ɖo ƒe 2015 la, ame siwo xɔ tso ƒe 50 siwo gbe wo srɔ̃wo la dzi ɖe edzi zi eve eye ame siwo xɔ tso ƒe 65 la dzi ɖe edzi zi gbɔ zi etɔ̃ le Amerika.

• Dzilawo tɔtɔ: Ame siwo nya nu tso vihehe ŋu gblɔ be, ele be woanɔ ɖeviwo kafum, evɔ wo dometɔ aɖewo hã gblɔna be ele be asi nasẽ ɖe ɖeviwo dzi.

• Sɔhɛwo le tsitsim evɔ womenya nu si akpe ɖe wo ŋu agbe nadze edzi na wo o.

Ke hã nyateƒeae nye be . . .

• Srɔ̃ɖeɖe ate ŋu ali ke eye dzidzɔ nanɔ eme.

• Dzilawo ate ŋu asrɔ̃ ale si woahe wo viwo le lɔlɔ̃ me.

• Sɔhɛwo ate ŋu asrɔ̃ nu siwo akpe ɖe wo ŋu agbe nadze edzi na wo ne wotsi.

Le mɔ ka nu? Nyɔ! sia aƒo nu tso nu 12 siwo akpe ɖe ƒomewo ŋu woakpɔ dzidzedze la ŋu.