Dziƒofia ahe yayrawo ava anyigba dzii

41 Yehowa ɖo Yesu wònye Fia le dziƒo.—Yesaya 9:5; Daniel 7:13, 14; Dɔwɔwɔwo 2:32-36

42 Aɖu fia ɖe anyigba bliboa katã dzi.—Daniel 7:14; Mateo 28:18

43 Èɖo ŋku nusi dzɔdzɔ ge ɖe ame vɔ̃ɖiwo dzi la dzia?—Psalmo 37:9, 10; Luka 13:5

44 Èɖo ŋku mawudɔla gbãtɔ si wɔ nuvɔ̃ la ƒe ŋkɔ dzia? Yesu aɖe eya kple mawudɔla vɔ̃ɖi bubuawo ɖa. Woatsrɔ̃ woƒe legbawo kple aklama kpakpɛwo.—Hebritɔwo 2:14; Nyaɖeɖefia 20:2, 10

45 Yesu awɔ nu nyui geɖe na amesiwo aɖo to.—Hebritɔwo 5:9

46 Ame aɖeke magalé dɔ azɔ o.—Yesaya 33:24; Nyaɖeɖefia 22:1, 2

Èɖo ŋku alesi Yesu da dɔ na dɔnɔwoe la dzia?

47 Nu nyuiwo asu amesiame si.—Yesaya 65:17, 21-23

48 Mawu ɖoa ŋku amesiwo ku gɔ̃ hã dzi. Ato Yesu dzi agagbɔ agbe wo. Woyɔa esia be tsitretsitsi.—Yohanes 5:28, 29; 11:25

49 Ne wotsrɔ̃ ame vɔ̃ɖiwo katã vɔ la, ame aɖeke magaku azɔ o. Vɔvɔ̃ maganɔ lã wɔadãwo gɔ̃ hã ŋu o. Amesiame akpɔ dzidzɔ tegbee.—Nyaɖeɖefia 21:4; Yesaya 65:25; Psalmo 37:11, 29