Miyi Ŋgɔ, Mi Fiaɖuƒea Ƒe Subɔlawo!

1. Yi ŋgɔ, ɖe gbeƒã Fiaɖuƒe la

Na ’mewo l’afi sia ’fi.

Lɔlɔ̃ na mía havi aʋã mí

Míadi ame fafawo.

Subɔsubɔdɔa xɔ asi loo!

Míatsɔ dzidzɔ aɖe gbeƒã.

Míayi gbeadzi ado vevie nu

Be míakɔ Ma’u ƒe ŋkɔ la ŋu.

2. Subɔla vavãwo, miyi ŋgɔ

Ðo ta ’gbefetu la gbɔ.

Míatsɔ dzi siwo le dzadzɛ la

Zɔ Yesu ƒ’afɔɖoƒe.

Mawu Fiaɖuƒe ŋuti nya nyuia

Míedi be ’me sia ’me nasee.

Yehowa gbɔe míexɔ dɔ sia tso,

’Ya ta míavɔ̃ naneke o.

3. Ðekawɔwɔ me míele ŋgɔ yim,

Ha suea kple alẽ bubu’o.

’Me tsitsi, ɖevi, ŋutsu, nyɔnu,

Le zɔ ɖem kple nyateƒea.

Subɔsubɔdɔa nye dɔ kɔkɔe,

Menye kɔnu dzro wònye o.

Míana míaƒe nu nadze Ma’u ŋu

To agbe dzadzɛ nɔnɔ me.