Akpa 7 Lia Ƒe Ŋgɔdonya

Akpa sia ƒo nu tso Fia Saul kple Fia David ƒe ŋutinya si ƒe didime ade ƒe 80 la ŋu. Le gɔmedzezea la, Saul bɔbɔ eɖokui eye wòvɔ̃a Mawu, gake eteƒe medidi o eƒe nɔnɔme trɔ eye wògbe be yemawɔ ɖe Yehowa ƒe mɔfiamewo dzi o. Yehowa gbee, eye wògblɔ na Samuel be wòasi ami na David wòazu Israel-fia yeye. Saul si nɔ ŋu ʋãm te kpɔ zi geɖe be yeawu David, gake David meɖo eteƒe nɛ o. Saul viŋutsu Yonatan nya be Yehowa ye tia David, eya ta ewɔ nuteƒe na David. David wɔ nu vɔ̃ gãwo, gake megbe Yehowa ƒe amehehe gbeɖe o. Ne dzilae nènye la kpe ɖe viwòa ŋu wòakpɔ ale si wòle vevie be wòawɔ ɖe Yehowa ƒe mɔfiamewo dzi ɣesiaɣi.