DZEÐOÐOA DZI YIYI
NUSƆSRƆ̃ 8
Gbɔ Dzi Ði
Nya si Biblia gblɔ: “Lɔlɔ̃ gbɔa dzi blewu.”—1 Kor. 13:4.
Ale Si Yesu Wɔe
1. Kpɔ VIDEOA, alo xlẽ Yohanes 7:3-5 kple 1 Korintotɔwo 15:3, 4, 7. Eyome nàbu biabia siawo ŋu:
Aleke Yesu nɔviwo wɔ nu ɖe eŋu le gɔmedzedzea esi wònɔ gbeƒã ɖem nya nyuia?
Nu kae ɖee fia be Yesu yi edzi kpe ɖe nɔvia Yakobo ŋu?
Nu Kae Míesrɔ̃ Tso Yesu Gbɔ?
2. Ele be míagbɔ dzi ɖi na amewo, elabe le ame aɖewo gomea, eteƒe didina hafi wova xɔa nya nyuia.
Srɔ̃ Yesu
3. Zã mɔnu bubu kpɔ. Ne èdi be yeasrɔ̃ Biblia kple ame aɖe gake melɔ̃ oa, mègazii ɖe edzi o. Ne anya wɔa, àte ŋu azã videowo alo nyatiwo atsɔ akpe ɖe eŋu wòakpɔ ale si míaƒe Biblia nusɔsrɔ̃ yinae kple ale si wòaɖe vi nɛ.
4. Mègatsɔ amea sɔ kple ame bubuwo o. Ame sia ame le vovo. Ne wò ƒometɔ alo ame aɖe si nèɖe gbeƒã na mele didim be yeasrɔ̃ Biblia o alo melɔ̃ ɖe Biblia ƒe nufiafia aɖe dzi oa, kpɔe ɖa be nu ka gbɔe wòanya tso. Ðe wòxɔ subɔsubɔhawo ƒe nufiafia aɖe dzi se vevie ta yea? Ðe eƒe ƒometɔwo alo nutoa me tɔwo le dzi ɖem le eƒoa? Na ɣeyiɣi amea wòade ŋugble le nu si nèfiae ŋu ne wòakpɔ ale si Biblia ƒe nufiafiawo ate ŋu aɖe vi nɛ.
5. Do gbe ɖa tso amea ŋu. Bia Yehowa wòana susu nyui nanɔ asiwò ɖe amea ŋu eye nànya ale si nàkpe ɖe eŋu. Do gbe ɖa na Yehowa be wòakpe ɖe ŋuwò nàte ŋu ade dzesii ne amea medi be yeasrɔ̃ Biblia o ale be nàdzudzɔ egbɔ yiyi.—1 Kor. 9:26.