Na Ðeviwo
Ʋli Tadedeagu Vavãtɔ Ta!
Mɔfiamewo: Wɔ dɔdeasi sia le afi si tomefafa le. Ne èle mawunyakpukpuiawo xlẽm la, tsɔe be yele nudzɔdzɔa teƒe. Nɔ nudzɔdzɔa kpɔm le susu me. Nɔ gbeɖiɖiawo sem. Dze agbagba nàse le ɖokuiwò me abe ame siwo ŋu nudzɔdzɔa ku ɖo la ke ene.
Ame siwo koŋ ŋu ŋutinyaa ku ɖo: Eliya, Axab, kple Baal nyagblɔɖila 450 aɖewo
Ŋutinyaa toto ɖe eme: Eliya ɖee fia be Yehowa tri akɔ wu Baal.
1 DE ŊUGBLE TSO NUDZƆDZƆA ŊU.—XLẼ 1 FIAWO 18:17-40.
Le pepa bubu dzi la, ta afi si nèsusu be Eliya, Baal ƒe nyagblɔɖilawo, kple vɔsamlekpuiawo anɔ.
Nu kawoe nèsusu be yeanɔ sesem esime howɔwɔ si ŋu woƒo nu tsoe le kpukpui 26 va se ɖe 29 la nɔ edzi yim?
․․․․․
Nɔnɔme ka mee nède dzesii be Eliya ƒo nu na Baal ƒe nyagblɔɖilawo le?
․․․․․
2 WƆ NUMEKUKU YI ŊGƆ.
Nu ka tae wòahiã be dzi nanɔ Eliya ƒo be wòayi Axab gbɔ, eye emegbe wòawɔ dodokpɔ si ana ŋu nakpe Baal ƒe nyagblɔɖila alafa geɖewo? (Kpekpeɖeŋu: Xlẽ 1 Fiawo 18:4, 13, 14.)
․․․․․
Zã agbalẽ kple dɔwɔnu bubu siwo wotsɔ wɔa numekukui, siwo le mia si la, nàtsɔ aku nu me tso Baal subɔsubɔ ŋu. Le kpɔɖeŋu me, nuwɔna kawo mee Baal subɔlawo ƒoa wo ɖokui ɖo? Nu kae do tso eme na Israel viwo le esi wosubɔ Baal ta?
․․․․․
Èsusu be nu ka tae Eliya ɖe ʋe ƒo xlã Yehowa ƒe vɔsamlekpuia hena wokɔ tsi ɖe eme?
․․․․․
3 TSƆ NU SIWO NÈSRƆ̃ LA WƆ DƆE. ŊLƆ NU SI NÈSRƆ̃ TSO NU SIWO GBƆNA ŊU LA ÐI:
Ale si wòle be dzi nanɔ ame ƒo be wòaʋli tadedeagu vavãtɔ ta.
․․․․․
Viɖe siwo dona tsoa eme na ame siwo si dzinɔameƒo sia tɔgbi le.
․․․․․
MƆ BUBU SIWO NU NÀTSƆE AWƆ DƆ LE.
Nɔnɔme ka(wo) mee wòahiã le be dzi nanɔ ƒowò geɖe wu be nàʋli tadedeagu vavãtɔ ta?
․․․․․
4 NUDZƆDZƆ SIA ƑE AKPA KAE WƆ DƆ ÐE DZIWÒ WU, EYE NU KA TAE?
․․․․․
Ne Biblia mele asiwò o la, xɔ ɖeka le Yehowa Ðasefowo gbɔ, alo xlẽ yevugbe me tɔ le www.watchtower.org
[Adaka si le axa 31]
Nutome Gã Takpekpe Ŋuti Nyatakaka
Tso ƒe sia dzi la, ɣletiŋkeke kple teƒe siwo míewɔa ƒe sia ƒe ƒe nutome gã takpekpewo le la magadze le Gbetakpɔxɔ me azɔ o. Àte ŋu akpɔ nyatakaka sia le jw.org ƒe Internet nyatakakadzraɖoƒea.