Ŋgɔdonya

NU KAE NÈSUSU?

Nu siwo ŋu wonya nu tsoe nyuie le Biblia-gbalẽ si nye Nyaɖeɖefia me dometɔ ɖekae nye sɔdola ene siwo ŋu wòƒo nu tsoe. Wonana ame aɖewo vɔ̃na. Gake wodzɔa dzi na ame bubuwo ya. Se nya si Biblia gblɔ tso nyagblɔɖi siawo ŋu ɖa:

“Dzidzɔtɔe nye ame si xlẽa nyagblɔɖi sia me nyawo sesĩe kple ame siwo sea wo.”—Nyaɖeɖefia 1:3.

Gbetakpɔxɔ sia ƒo nu tso ale si sɔdola eneawo ƒe ŋutinya ate ŋu ahe nu nyuiwo vɛ na míi la ŋu.