Nyabiaɖaka

◼ Nukae wòle be wòanɔ susu me na mí ne míele lɛta ŋlɔm na aƒemenɔla siwo míete ŋu tu le aƒeme o?

Le susu vovovowo ta la, ele sesẽm na mí ɖe edzi be míatu amewo ne míeyi woƒe aƒewo me. Gbeƒãɖela aɖewo kpɔe be lɛtaŋɔŋlɔ nye mɔ nyui si dzi yewoato aɖo wo gbɔ. Togbɔ be nu nyui aɖewo ate ŋu ado tso esia me hã la, ehiã be míabu ŋkuɖodzinya aɖewo siwo ate ŋu akpe ɖe mía ŋu be nanewo nagasesẽ na mí o ŋu:

Mègazã Habɔbɔa ƒe adrɛs o. Esia afia be míaƒe ɔfis ye lɛtaa tso si mesɔ o, eye ahe kuxiwo kple gazazã bubu siwo mehiã o vɛ.

Kpɔ egbɔ be adrɛs nyuitɔe le asiwò eye posugagbalẽvi si wotu lɛtaa dzi la de.

Mègaŋlɔ ɖe lɛtawo dzi be enye “Xɔa Me Nɔla” tɔ o; zã ŋkɔ ŋutɔŋutɔ.

Mègatsɔ lɛtawo de ʋɔtru me ne ame aɖeke mele aƒea me o.

Lɛta kpuiwo nyo wu. Tsɔ trakt alo magazine de eme tsɔ wu be nàdze agbagba aŋlɔ nya geɖe.

Lɛta siwo me nya wotsɔ agbalẽŋlɔmɔ̃ ƒo nya xlẽna wu eye ewɔa dɔ ɖe ame dzi nyuie wu.

Míebua lɛtawo be wonye tɔtrɔyiwo o negbe wò ŋutɔ èɖi ɖase na amea kpɔ hafi.

Ne èle lɛta ŋlɔm na amesi ɖe ɖetsɔleme fia tsã la, ele be nàde wò adrɛs alo telefonxexlẽdzesi eme ale be wòate ŋu ake ɖe ŋuwò. Ðe míaƒe Biblia sɔsrɔ̃ ƒe ɖoɖoa me nɛ.

Kpee be wòava miaƒe hamea ƒe kpekpewo. Na wòanya afisi miekpena le kple ɣeyiɣiawo.

Ne èɖe asi le anyigbamamã la ŋu na ame bubu la, ke mègaɖo lɛtawo ɖe amesiwo mètu le aƒeme azɔ o; gbeƒãɖela si tɔ anyigbamamã la nye fifia ye awɔ dɔ tso eŋu.