“Wò Fiaɖuƒe Nava”—Gbe Si Ame Miliɔn Geɖe Dona Ða
Èdo gbe ɖa be Mawu Fiaɖuƒea nava kpɔa? Ƒe alafa geɖee nye esia amewo doa gbe ɖa be, “Wò fiaɖuƒe nava.” Nu ka tae amewo lɔ̃a gbe sia dodo ɖa? Elabe Yesu gblɔ na eyomedzelawo be woado gbe ɖa be Mawu Fiaɖuƒea nava.
Gbã la, Yesu yomedzelawo mese nu sia nu si wògblɔ tso Fiaɖuƒea ŋu la gɔme o. Wobiae gbe ɖeka gɔ̃ hã be: “Aƒetɔ, ɖe nègbugbɔ le fiaɖuƒe la ɖom anyi na Israel le ɣeyiɣi sia mea?” Anya wɔ nuku na wo be Yesu meɖo nyaa ŋu na yewo tẽe o. (Dɔwɔwɔwo 1:6, 7) Ðe ema fia be míate ŋu anya nu si Mawu Fiaɖuƒea nye kple ɣeyiɣi si me wòava la oa? Mefia nenema o!
Gbetakpɔxɔ sia akpe ɖe ŋuwò nàkpɔ biabia siwo gbɔna ƒe ŋuɖoɖowo:
Nu ka tae míehiã Mawu Fiaɖuƒea?
Ame kae nye Mawu Fiaɖuƒea ƒe Fia?
Ɣekaɣie Mawu Fiaɖuƒea aɖu anyigba la dzi?
Nu kae Mawu Fiaɖuƒea awɔ?
Tiae be yeade Mawu Fiaɖuƒea dzi fifia!
Nu Kae Nye Mawu Fiaɖuƒe La?