Kpɔɖeŋudzeɖonyawo

Esi Míatsɔ Adze Biblia Nusɔsrɔ̃wo Gɔme Le Memleɖa Gbãtɔ Dzi Le June Me

“Mí katã míaƒe ƒometɔ alo xɔlɔ̃ aɖewo ku kpɔ. Ðe nèkpɔa mɔ be yeagava kpɔ wo akea? [Ðe mɔ wòaɖo eŋu.] Se akɔfanya sia ɖa.” Mia kplii mixlẽ nya si le tanya sue gbãtɔ si le June 1 ƒe Gbetakpɔxɔ, axa 16 lia te la ɖekae eye miaxlẽ mawunyakpukpui siwo woyɔ la dometɔ ɖeka. Tsɔ magazineawo nɛ, eye nàwɔ ɖoɖo be yeatrɔ ava adzro nyabiase si kplɔe ɖo la me kplii.

The Watchtower June 1

“Mía dometɔ geɖe dagbana hafi kpɔa míaƒe gbe sia gbe bolo, eye agbemenuhiahiã veviwo gɔ̃ hã mesua ame aɖewo si o. Èsusu be ɣeyiɣi aɖe ava si me ame aɖeke mada ahe oa? [Ðe mɔ wòaɖo eŋu. Eyome xlẽ Psalmo 9:19.] Magazine sia ƒo nu tso nu si tae ame aɖewo da ahe ɖo ŋu, eye wògaƒo nu tso nu si Biblia gblɔ be eyae nye kuxi ma gbɔ kpɔnu ŋutɔŋutɔ hã ŋu.”

Awake! June

“Nu vlo wɔlawo ƒe ŋɔdzidoname nye kuxi aɖe si le fu ɖem le xexea katã me. Le wò susu nu la, nu ka gbɔe kuxi ma tso? [Ðe mɔ wòaɖo eŋu.] Madi be maxlẽ Biblia me nya aɖe si naa mɔkpɔkpɔ ame la na wò. [Xlẽ Psalmo 72:7, 14.] Magazine sia ɖe nu siwo gbɔ nu vlo wɔlawo ƒe ŋɔdzidoname tso la dometɔ aɖewo me, eye wòƒo nu tso nya si Biblia gblɔ tso ale si woava ɖe kuxi sia ɖa kple ɣeyiɣi si me woaɖee ɖa la ŋu.”